+7 (701) 759 90 19
20 °С : نۇر-سۇلتان
19 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

قازاقستاندا قىلمىس جاساپ، برازيليادا جاسىرىنىپ جۇرگەندەر بار ما؟

22 قاڭتار 12:54
:ءبولىسۋ
قازاقستاندا قىلمىس جاساپ، برازيليادا جاسىرىنىپ جۇرگەندەر بار ما؟

نۇر-سۇلتان. قازاقپارات – ق ر پارلامەنتى ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان مەن برازيليا اراسىنداعى ادامداردى ۇستاپ بەرۋ شارتىن راتيفيكاتسيالاۋ تۋرالى» زاڭ جوباسىن ماقۇلدادى، دەپ حابارلايدى قازاقپارات ءتىلشىسى.

«بۇگىنگى تاڭدا برازيليامەن قىلمىستىق سالادا ءۇش نەگىزگى شارت جاسالدى. بۇل ەكى ەل اراسىنداعى ءوزارا سەنىمدىلىكتى بىلدىرەدى. قازىر ەكى ەلدىڭ اراسىنداعى بايلانىس جوعارى دەڭگەيدە. ساۋدا اينالىمى 2019-جىلى 13 پايىزعا ءوستى. 2016-جىلدان بەرى ەكى ەل اراسىندا ۆيزاسىز ءتارتىپ قاتىناستارى جاسالعان»، - دەپ توقتالدى ق ر باس پروكۋرورىنىڭ ورىنباسارى مارات احمەتجانوۆ.

جالپى وتىرىستا تالقىلاۋعا ۇسىنىلعان شارت ىزدەۋدە جۇرگەن ادامداردى قىلمىستىق جاۋاپقا تارتۋ جانە سوت ۇكىمىن ورىنداۋ ءۇشىن ەكستراديتسيالاۋ ماسەلەلەرىن شەشەدى.

«ەگەر ادام قازاقستاندا قىلمىس جاساپ، برازيليادا جاسىرىنىپ جۇرسە، ول قاماۋعا الىنادى جانە قازاقستانعا ۇستاپ بەرىلەدى. ءدال وسىلايشا قىلمىسكەر ەلىمىزدە جاسىرىنىپ جۇرسە، ءبىز برازياليا تاراپىنا ادامدى ەكستراديتسيالاۋعا مىندەتتى بولامىز. قۇجاتتا ۇستاپ بەرۋ جانە ودان باس تارتۋ نەگىزدەرى بەكىتىلگەن»، - دەدى ول.

م. احمەتجانوۆتىڭ سوزىنە قاراعاندا، بۇگىندە برازيليادا قازاقستاننىڭ قۇقىق قورعاۋ ورگاندارىنان جاسىرىنىپ جۇرگەن ادام جوق. سونىمەن قاتار، برازيليا ورگاندارى تاراپى ەلىمىزدە ىزدەۋ سالعان كۇدىكتىلەر تىركەلمەگەن.

«شارتتىڭ نەگىزگى ءبىر ماقساتى - الدىن الۋ. بۇل قۇجات قىلمىس جاساپ، برازيليادا جاسىرىنىپ جۇرگەن ادامداردى قايتارۋ ءۇشىن قاجەت قۇقىقتىق تەتىك بولىپ وتىر. بۇگىنگى تاڭدا شەتەلمەن وسىنداي 21 ەكى جاقتى شارت بار. جاقىن ارادا ءبىز وسىنداي شارتتاردى ارگەنتينامەن، پەرۋ، دومينيكان، كيپر، مالايزيا جانە گرەكيامەن بەكىتپەكپىز»، - دەدى مارات احمەتجانوۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات