بالقاشتا مۇز ۇستىنەن ءجۇرۋ شەرۋى وتەدى

بالقاش. قازاقپارات - بالقاشتا مۇز وتكەلىمەن ءجۇرىپ ءوتۋ شاراسى ۇيىمداستىرىلادى، دەپ حابارلايدى قازاقپارات ءتىلشىسى.

بۇل شارانىڭ ماقساتى قوعامنىڭ نازارىن بالقاش ماڭىنداعى ەكولوگيالىق پروبلەمالارعا اۋدارۋ جانە ىشكى ءتۋريزمدى دامىتۋ.

ءىس-شارا رەسەيدەگى بايكال بويىمەن وتكەن قىسقى شەرۋگە ۇقساس بولادى.

«ۇلى بالقاش شاقىرادى!» مۇز ۇستىمەن ءجۇرىپ وتەتىن ەكىنشى شارا 14-15- اقپاندا وتەدى.

سونداي-اق، باعدارلامادا «فورسايت-اڭگىمەلەسۋلەر: ادام جانە قوعام 2035» ينتەللەكتۋالدىق شارالار وتكىزىلەدى. ولار ەكولوگيا، دەنساۋلىق جانە ۇزاق ءومىر ءسۇرۋ، كاسىپكەرلىك تاقىرىپتارىن قامتيتىن بولادى.

مۇزدا ءجۇرىپ ءوتۋ شەرۋىنە قاتىسۋعا قاتىستى اقپاراتپەن مىنا سىلتەمەدە تانىسۋعا بولادى.