+7 (701) 759 90 19
2 °С : نۇر-سۇلتان
8 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

استانالىق دومبىراشى بالالار دۋبايدان جۇلدەمەن ورالدى

22 قاڭتار 09:15
:ءبولىسۋ
استانالىق دومبىراشى بالالار دۋبايدان جۇلدەمەن ورالدى

نۇر-سۇلتان. قازاقپارات - بىرىككەن اراب امىرلىكتەرىنىڭ دۋباي قالاسىندا وتكەن «DUBAI EAST VISION» حالىقارالىق بايقاۋىندا ەل نامىسىن قورعاعان استانالىق جاس ونەرپازدار 1-ورىنعا يە بولدى.

ەلوردالىق دومبىراشى بالالاردىڭ جەتىستىگى تۋرالى توپ جەتەكشىسى ءاليا احمەتوۆا قازاقپارات تىلشىسىنە ايتىپ بەردى.

«Dubai EAST ViSION» حالىقارالىق بايقاۋى 8-14- قاڭتار كۇندەرى ءوتتى. بىرنەشە نوميناتسيا بويىنشا وتكەن بايقاۋعا نۇر-سۇلتان قالاسىنان وقۋشىلار سارايىنىڭ ونەرپازدارى 2 توپتا قاتىستى. ءبىرىنشىسى - كىشى توپ. ولار قازاق ۇلت اسپاپتار ءانسامبلى، ياعني دومبىرا، قوبىز، شاڭقوبىز جانە جەتىگەن اسپاپتارىندا ونەر كورسەتتى. ال ەكىنشىسى - ورتا توپ تازا دومبىراشىلاردان قۇرالعان. بايقاۋعا جالپى سانى 17 بالا قاتىستى. ەكى توپتا ءوز نوميناتسياسى بويىنشا 1-ورىنعا يە بولدى»، - دەدى ءاليا احمەتوۆا.

ونىڭ ايتۋىنشا، ايتۋلى باسەكەدە ءبىزدىڭ ەلدەن بولەك رەسەي، كۋۆەيت، ساحا رەسپۋبلياسى، ۋكراينا جانە يسپانيا ەلىنىڭ جاس ونەرپازدارى باق سىناعان. جانە حالىقارالىق بايقاۋ اسپاپ، ۆوكال، حورەوگرافيا، سۋرەت سالۋ جانە تەاتر نوميناتسيالارى بويىنشا ءوتتى.

«بايقاۋدا ەكى توپ بىرنەشە ۇلتتىق شىعارمامىزدى كوپشىلىككە تارتۋ ەتتى. اتاپ ايتار بولساق، «قارا جورعا»، حالىق كۇيلەرى «تەپەڭكوك»، «سەكىرتپە» جانە بىرنەشە حالىق كۇيلەرىنەن قۇرالعان پوپۋرري «كۇي شاشۋدى» ورىندادى. بالالاردىڭ ەڭ جاسى – 8 دە، ال ەڭ ۇلكەنى - 12-13 جاستا. تاعى ءبىر ايتا كەتەرلىگى - كىشى توپتاعى بالالار ۇلكەن ساحناعا ءبىرىنشى رەت شىقتى. سەبەبى ولار اسپاپتار ۇيىرمەسىنە تاياۋدا عانا جازىلعان. بۇعان دەيىن تەك قالالىق ساحنالارعا شىعىپ ءجۇردى، سوعان قاراماستان بايقاۋدا وزدەرىن جوعارى دارەجەدە كورسەتە ءبىلدى. شىنىن ايتساق، ءبىز ءۇشىن 1-ورىننان گورى ۇلتتىق اسپابىمىزدىڭ الەم ساحناسىندا ەستىلۋى ماڭىزدى. باستىسى - قالىڭ كورەرمەن بۇلدىرشىندەرىمىزدىڭ ونەرىنە رازى بولدى. اسىرەسە ءبىزدىڭ ۇلتتىق كيىمدەرىمىزگە قىزىعۋشىلىق تانىتىپ، بالالارمەن سۋرەتكە تۇسۋشىلەر كوپ بولدى»، - دەيدى ول.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات