نۇر-سۇلتاندا قانىش ساتبايەۆ پەن ماحاتما گانديگە ەسكەرتكىش ورناتىلادى

None
None
نۇر-سۇلتان. قازاقپارات - ەلوردادا اكادەميك، گەولوگ جانە قوعام قايراتكەرى قانىش ساتبايەۆ پەن ءۇندىستاندى بريتاندىق وتارلاۋدان ازات ەتۋ ۇلتتىق قوزعالىسىنىڭ كوشباسشىسىنا اينالعان، كەزىندە ماحاتما گاندي ەسىمىمەن تانىمال بولعان موحانداسا كارامچاندى گانديدىڭ قۇرمەتىنە ەسكەرتكىش ورناتىلادى، دەپ حابارلايدى قازاقپارات ءتىلشىسى.

بۇل تۋرالى نۇر-سۇلتان قالاسى ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى نۇرلان ۋرانحايەۆ ءمالىم ەتتى.

«ەلوردادا جاڭا ەسكەرتكىشتەر ورناتۋ جوسپاردا بار. ايتار بولساق، قانىش ساتبايەۆقا، ماحاتما گانديگە ەسكەرتكىش قويامىز. بۇگىندە ولاردى ورناتاتىن ورىن ىزدەستىرىلىپ جاتىر. نەگە انىقتالۋدا؟ ويتكەنى ەسكەرتكىشتى كەز كەلگەن جەرگە قويا المايمىز. سوندىقتان ەسكەرتكىش قويۋعا بولاتىن جەرلەر تاڭداپ الىنادى. مىسالى، قانىش ساتبايەۆتىڭ ەسكەرتكىشى قاجىمۇقان مەن ساتبايەۆ كوشەلەرىنىڭ قيىلىسىنا ورناتىلسا، ىڭعايلى بولار ەدى»، - دەدى ن. ۋرانحايەۆ و ك ق- دە وتكەن باسپا ءسوز ءماسليحاتىنان سوڭ تىلشىلەردىڭ سۇراقتارىنا جاۋاپ بەرە وتىرىپ.

بۇعان دەيىن اتالعان باسقارما باسشىسى بيىل ەلوردادا 54 سكۆەر سالىناتىنىن ءمالىم ەتكەن بولاتىن.

سوڭعى جاڭالىقتار