+7 (701) 759 90 19
16 °С : نۇر-سۇلتان
20 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

ەلىمىزدە مال تەرىسىنىڭ قۇنسىزدانۋىنا نە سەبەپ

21 قاڭتار 21:50
:ءبولىسۋ
ەلىمىزدە مال تەرىسىنىڭ قۇنسىزدانۋىنا نە سەبەپ

نۇر-سۇلتان. قازاقپارات - ەلىمىزدە مال تەرىسى وتپەي جاتىر، دەپ حابارلايدى «حابار 24». قۇنسىزدانىپ كەتتى. جارتىسىنان كوبى لاقتىرىلادى.

ەلدە جىلىنا 2 ميلليوننان استام ءىرى قارا سويىلادى. 70 مىڭ تونناداي تەرى الىنادى. سونىڭ 30 پروتسەنتى عانا وڭدەلەدى.

نۇرجان التايەۆ، ق ر پارلامەنتى ءماجىلىسىنىڭ دەپۋتاتى:

- قالعان 70 پايىزىن قايدا جىبەرەمىز؟ ونىڭ ءبارى قازىر ءشىرىپ جاتىر. اۋىلداعىلار تاپسىراتىن ورىن بولماعان سوڭ ءبارىن لاقتىرىپ جاتىر. تەرى نەگە وتپەي قالدى؟ سەبەبى بىلتىر ناۋرىزدان قىركۇيەككە دەيىن ەلدە تەرى ەكسپورتىنا تىيىم سالىندى.

اسىلجان مامىتبەكوۆ، قازاقستان ەت وداعىنىڭ باسقارما ءتوراعاسى:

- مۇنىمەن ەلدەگى تەرى ءوندىرىسىن جاقسارتايىق دەپ ەدىك. ءبىراق ناتيجە كۇتكەندەي بولمادى. ەكسپورتقا تىيىم سالعان سوڭ تەرىلەر قۇنسىزدانىپ كەتتى.

بۇرىندارى مال سويعان شارۋالار تەرى ءۇشىن 10 مىڭ تەڭگە الاتىن. قازىر ءبىر تەڭگە دە بەرىلمەيدى. قايتا سول تەرىنى ورتەپ جويۋعا وزدەرى اقشا شىعارىپ شىعىندانادى. ءبىر كەزدەرى تەرىنى سىرت ەلدەرگە ساتۋعا تىيىم سالىنعان سوڭ ءوز ىشىمىزدە ونىڭ قۇنى دا تومەندەپ كەتكەن. باعا ءالى وسپەدى. شارۋالار تەرىلەردى تيىن- تەبەنگە وتكىزىپ كەلەدى. ايتەۋىر ءشىرىپ كەتپەسىن دەپ.

سەرىك راحىمبايەۆ، كاسىپكەر:

- ءبىز بۇرىن تەرىنىڭ كەلىسىن 300 تەڭگەدەن ساتىپ جۇردىك. قازىر تەرىنىڭ كەلىسى 40-50 تەڭگەگە ءتۇسىپ كەتتى. ءبىزدىڭ تەرى رەسەيگە، قىتايعا، تۇركياعا كەتەتىن. ال ودان كەيىن ۇكىمەت تەرىنى ساتۋعا تىيىم سالعان سوڭ، شەكارادان تەرى وتپەي قالدى. سول ءۇشىن ول تەرىنى ەشكىم الماي قويدى.

ەلدە بۇگىندە تەرى وڭدەيتىن 14 كاسىپورىن بار. «14» دەگەن اتى عانا. ايتپەسە تەك جارتىسى عانا جۇمىس ىستەيدى. ونىڭ وزىندە تولىق قۋاتتىلىقتا ەمەس.

ءاليا بۋحابايەۆا، ق ر ي ي د م كوميتەتى باسقارماسىنىڭ باسشىسى:

- بۇگىندە 7 ءوندىرىس ورنىندا جۇمىس توقتاپ تۇر. قالعان جارتىسى 5-20 پروتسەنت قۋاتتىلىقپەن عانا ىستەيدى. سەبەبى اينالىمدا قاراجاتتارى از. كاسىپورىنداردى جاڭعىرتۋ قاجەت.

نۇرجان التايەۆ، ق ر پارلامەنتى ءماجىلىسىنىڭ دەپۋتاتى:

- بىزدە اسىرەسە اۋىلداعى ازاماتتار كووپەراتيۆ قۇرىپ، تەرى نەمەسە ءجۇن وڭدەيتىن كاسىپورىن اشقىسى كەلسە، وعان قاراجات تابا المايدى. ويتكەنى كرەديتتەر اۋىلدىق جاققا ءالى دە قولجەتىمسىز. ەلدەگى مالدىڭ شامامەن 80 پروتسەنتى جەكەمەنشىكتىڭ قوراسىندا. سول قورادا تالاي تەرى تۋلاق بوپ جاتىر.

ال ءبىر كۇندە 3 مىڭعا جۋىق تەرى وڭدەيتىن تۇركيا ياكي قىرعىزستان، قىتاي سياقتى بىزگە دە وسى ءبىر جەڭىل ونەركاسىپتى دامىتۋعا نە كەدەرگى؟ مال جەتەدى. شيكىزات جوق ەمەس. ءبىراق ءىس سوندا دا جولعا قويىلماي تۇر.

www.24.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات