+7 (701) 759 90 19
12 °С : نۇر-سۇلتان
10 °С : الماتى
USD 448.52 EUR 490.32
RUB 5.69 CNY 63.23
جاڭالىقتار

تىنىشتىقبەك ابدىكاكىم ۇلى: اباي جۋىق ماڭدا زەرتتەلىپ بولا قويمايتىن كۇردەلى تۇلعا

21 قاڭتار 21:06
:ءبولىسۋ
تىنىشتىقبەك ابدىكاكىم ۇلى: اباي جۋىق ماڭدا زەرتتەلىپ بولا قويمايتىن كۇردەلى تۇلعا

نۇر- سۇلتان. قازاقپارات - ابايدى الەمگە تانىتۋدان بۇرىن ونىڭ قانداي دەڭگەيدەگى تۇلعا ەكەنىن ءوزىمىز تانىپ الۋىمىز كەرەك. مۇنداي پىكىردى ابايدىڭ 175 جىلدىق مەرەيتويىنىڭ رەسمي اشىلۋىنا ارنالعان شارادان كەيىن اقىن تىنىشتىقبەك ابدىكاكىم ۇلى ءبىلدىردى، دەپ حابارلايدى قازاقپارات ءتىلشىسى.

«قازىرگى ۋاقىتتا ابايتانۋشىلار ابايدى حاكىم دەيدى. مەنىڭشە، اباي حاكىمدىكتەن دە جوعارى تۇرعان ادام. وسىنى زەرتتەۋمىز قاجەت. ماسەلەن، ابايدى ۇنەمى باتىس پەن شىعىس وركەنيەتىنە بايلانىستىرا قاراي كەلە «سولاردان ۇيرەنگەن، زەرتتەگەن، ءوز حالقىنا دانالىقتى سول وركەنيەتتەر قازىناسى ارقىلى تۇيىندەي جاساعان» دەيدى. مەنىڭشە، قازاق حالقى دا اسپاننان تۇسكەن جوق. ونىڭ ارعى اتا- بابالارىنىڭ مىڭداعان جىلداردان بۇرىن كەلە جاتقان وركەنيەتى، دۇنيەتانىمى بولعان. مىنە، ابايدى وسى تۇرعىدا زەرتتەۋ جەتىسپەي جاتىر»، - دەدى اقىن.

ونىڭ ايتۋىنشا، اباي ءوزىنىڭ ارعى- بەرگى اتا- بابالارىنىڭ دۇنيەتانىمىنان نە الدى، ونى ەڭبەكتەرىنە قالاي جاراتتى، ۇرپاققا قالاي ميراس ەتتى، نە ايتقىسى كەلدى دەگەن ماسەلەلەردى سارالاۋ قاجەت.

«وسى تۇرعىدان كەلگەندە ابايدى الەمگە تانىتۋدان بۇرىن ءبىز ونىڭ قانداي دەڭگەيدەگى ادام ەكەنىن تانىپ الۋىمىز كەرەك. ارينە، اباي دانىشپان، اقىن دەپ ايتۋعا وڭاي. اباي وتە كەڭ، جۋىق ماڭدا زەرتتەلىپ بولا قويمايتىن كۇردەلى تۇلعا. سوندىقتان بيىلدى ابايتانۋ جاڭا زامانىنىڭ باستاپقى كەزەڭى دەپ ەسەپتەۋىمىز كەرەك»، - دەدى تىنىشتىقبەك ابدىكاكىم ۇلى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات