قىتايدا جاڭا كوروناۆيرۋس جۇقتىرعاندار سانى كۇرت ارتتى
«وسى جىلدىڭ 20 - قاڭتارى ساعات 24:00-دەگى جاعداي بويىنشا، كوروناۆيرۋستىڭ جاڭا ۇلگىسىنە شالدىققاندار سانى 291-گە جەتتى (270 - ۋحاندا، بەسەۋى - بەيجىڭدە، 14- ءى - گۋاڭدۋڭ پروۆينتسياسىندا (وڭتۇستىك قىتاي)، ەكەۋى - شاڭحايدا. قىتايدىڭ 14 پروۆينتسياسىندا اۋرۋ جۇقتىرۋى مۇمكىن 54 ادام بار»، - دەلىنگەن كوميسسيا حابارلاماسىندا.
ولاردىڭ اراسىندا مىناداي پروۆينتسيالار بار: حاينان، جيلين (سولتۇستىك شىعىس قىتاي)، انحوي (ورتالىق قىتاي)، جىجياڭ مەن جياڭشي (شىعىس قىتاي)، گۋيجوۋ (وڭتۇستىك باتىس قىتاي) مەن نيڭشيا- حۋيزۋ اۆتونوميالىق اۋدانى (سولتۇستىك باتىس قىتاي).
دارىگەرلەر ناۋقاستارمەن بايلانىستا بولعان 1739 ادامدى وقشاۋلادى. ولاردىڭ باسىم بولىگى اۋرۋحانادان شىعارىلدى، ءبىراق 922 ادام تىيىم سالىنعان ورىندا.
ۋحان قالاسىنىڭ مەرى چجوۋ سيانۆاننىڭ مالىمەتىنشە، وسى اۋرۋدان التى ادام كوز جۇمعان.
رۋسلان سۇلەيمەنوۆ