+7 (701) 759 90 19
0 °С : نۇر-سۇلتان
11 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

قازاقتى تانىتۋ ءۇشىن شەتەلدە اباي ورتالىقتارى كەرەك - ۇلىقبەك ەسداۋلەت

21 قاڭتار 20:11
:ءبولىسۋ
قازاقتى تانىتۋ ءۇشىن شەتەلدە اباي ورتالىقتارى كەرەك - ۇلىقبەك ەسداۋلەت

نۇر- سۇلتان. قازاقپارات - اباي مۇراسى، شىعارمالارى ەش ۋاقىتتا ەسكىرمەيدى. مۇنداي پىكىردى ابايدىڭ 175 جىلدىق مەرەيتويىنىڭ رەسمي اشىلۋىنا ارنالعان شارادان كەيىن ق ر جازۋشىلار وداعىنىڭ ءتوراعاسى ۇلىقبەك ەسداۋلەت ءبىلدىردى، دەپ حابارلايدى قازاقپارات ءتىلشىسى.

«مەنىڭشە، ابايدىڭ فيلوسوفيالىق ماقسات- مۇراتتارىنىڭ ءبىرازى بيىلعى مەرەيتويىنا ارنالعان باعدارلامالارعا ەنگىزىلىپ، جوسپارلارعا كىرگىزىلىپ، قولعا الىنىپ جاتىر. جالپى، ول كىسىنىڭ ليريكاسى، پوەزياسى بالاباقشادان باستاپ وقىتىلۋى كەرەك دەگەن يدەياعا تولىق قوسىلامىن. وسى ۋاقىتقا دەيىن «بىزدە ۇلتتىق يدەولوگيا جوق» دەپ كەلدىك. نەگىزىندە ءبىزدىڭ ۇلتتىق يدەولوگيامىزدىڭ ەڭ باستى قۇرامداس بولىگى وسى ابايدىڭ اسىل مۇرالارىندا تۇنىپ تۇر. ابايدىڭ «تولىق ادام» دەگەن ۇعىمى كەمەل ادام دەگەن ماعىنا بەرەدى. شىنىن ايتقاندا ونىڭ وسى ۇمتىلىستارى كەلەشەكتە ۇلتتىڭ، حالىقتىڭ كەمەلدەنۋىنە الىپ كەلەدى. قاي ۋاقىتتا دا كەمشىلىكسىز ادام بولمايدى. ءبىراق، ادامنىڭ ىشكى دۇنيەسىن، جۇرەگىن، كوڭىلىن، سەزىمىن، ويىن اسىل ارناعا، ىزگىلىكتى ارناعا بۇرۋى دەيتىن مۇراتتى قولعا الىپ جاتقانىمىز قۋانتادى. كەيدە كەشتەۋ دە ويلاپ قالاسىڭ. دەگەنمەن، ەشتەن كەش جاقسى. اباي مۇراسى، شىعارمالارى ەش ۋاقىتتا ەسكىرمەيدى» ، - دەدى ۇلىقبەك ەسداۋلەت.

سونىمەن قاتار قازاقستان جازۋشىلارى وداعىنىڭ ءتوراعاسى ەلىمىزدىڭ شەتەلدەگى ەلشىلىكتەرى جانىنان اباي ورتالىقتارىنىڭ اشىلاتىندىعىنا قاتىستى پىكىرىن ءبىلدىردى.

«جاقىندا پولشادا ءبىر ورتالىق اشىلدى. تاياۋ كۇندەردە پراگادا اباي ورتالىعى اشىلادى. ودان كەيىن بۋداپەشت قالاسىندا اشىلايىن دەپ وتىر. قازىر ەلشىلىكتەر مەن ەلىمىزدىڭ ۇلتتىق اكادەميالىق كىتاپحاناسى بىرلەسىپ، ونى وتكىزۋدىڭ باعارلاماسىن بەكىتتى. ول شارالارعا ابايتانۋشىلارىمىز، عالىمدارىمىز بارادى. بۇل ەندى شىنىن ايتقاندا باسى عانا. ماسەلەن، بىزدە كونفۋتسي ينستيتۋتى، گەتە ءۇيى، سونىمەن قاتار باسقا دا حالىقتاردىڭ ۇلكەن- ۇلكەن ءتىلدى دە ۇيرەتەتىن، ادەبيەتتى دە وقىتاتىن، فيلوسوفياسىن دا تانىتاتىن جانە ءوزىنىڭ مادەنيەتى مەن ساياساتىن جۇرگىزەتىن ورتالىقتار بىزدە بارشىلىق. ال ءبىز اباي ورتالىقتارىن اشۋ ارقىلى قازاقتىڭ جان- دۇنيەسىن، ادەپ- عۇرپىن، اباي شىعارمالارىن، اۋەزوۆ باستاعان وزگە دە قالامگەرلەرىمىزدىڭ شىعارمالارىن ناسيحاتتايمىز. قازاقتى بىلە ءتۇسۋ ءۇشىن اباي ورتالىقتارى كەرەك» ، - دەدى ول.


باستى سوزدەر: ابايدىڭ 175 جىلدىعى,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات