+7 (701) 759 90 19
-4 °С : نۇر-سۇلتان
-2 °С : الماتى
USD 376.84 EUR 407.97
RUB 5.91 CNY 53.80
جاڭالىقتار

اباي اندەرى «استانا وپەرا» ساحناسىندا شىرقالدى

21 قاڭتار 16:45
:ءبولىسۋ
اباي اندەرى «استانا وپەرا» ساحناسىندا شىرقالدى

نۇر- سۇلتان. قازاقپارات - قازاق حالقىنىڭ ۇلى اقىنى، ويشىل- كەمەڭگەرى اباي قۇنانباي ۇلىنىڭ 175 جىلدىعىنىڭ سالتاناتتى اشىلۋى ءراسىمى اياسىندا قازاقستان ونەرپازدارىنىڭ كونسەرتى ءوتىپ جاتىر.

كونسەرتتى ق ر تۇڭعىش پرەزيدەنتى - ەلباسى نۇرسۇلتان نازاربايەۆ پەن مەملەكەت باسشىسى قاسىم- جومارت توقايەۆ، مەملەكەت جانە قوعام قايراتكەرلەرى، ەلوردا جۇرتشىلىعى تاماشالاۋدا، دەپ حابارلايدى قازاقپارات ءتىلشى.


«استانا وپەرا» تەاترىنىڭ ساحناسىندا وتكەن مادەني شارا بارىسىندا ۇلى ابايدىڭ ولەڭدەرى مەن اندەرىن ك س ر و جانە قازاقستاننىڭ حالىق ءارتىسى، قازاقستاننىڭ ەڭبەك ەرى اسانالى ءاشىموۆ، قازاقستاننىڭ حالىق ءارتىسى، قازاقستاننىڭ ەڭبەك ەرى روزا رىمبايەۆا، ك س ر و جانە قازاقستاننىڭ حالىق ءارتىسى الىبەك دىنىشيەۆ، قازاقستاننىڭ ەڭبەك سىڭىرگەن ءارتىسى، مەملەكەتتىك سىيلىقتىڭ يەگەرى مايرا مۇحامەد قىزى، قازاقستاننىڭ ەڭبەك سىڭىرگەن قايراتكەرى تامارا اسار، ءداستۇرلى ءانشى ەرلان رىسقالي، حالىقارالىق جانە رەسپۋبليكالىق كونكۋرستاردىڭ لاۋرەاتتارى مەن ەلىمىزدىڭ جاس دارىندارىنىڭ ورىنداۋىندا «استانا وپەرا» مەملەكەتتىك وپەرا جانە بالەت تەاترىنىڭ سيمفونيالىق وركەسترىنىڭ سۇيەمەلدەۋىمەن ورىنداۋدا. مەكتەپ وقۋشىلارى اباي ولەڭدەرىن قازاق، ورىس، اعىلشىن، تۇرىك، قىتاي، فرانسۋز، اراب، نەمىس تىلدەرىندە جاتقا وقىدى.


ايتا كەتەيىك، 2019 -جىلدىڭ مامىرىندا ق ر پرەزيدەنتى قاسىم- جومارت توقايەۆتىڭ 2020 -جىلى قازاق حالقىنىڭ ۇلى اقىنى، اعارتۋشىسى اباي قۇنانباي ۇلىنىڭ 175 جىلدىق مەرەيتويىن جوعارى ۇيىمداستىرۋشىلىق جانە مازمۇندىق دەڭگەيدە مەرەكەلەۋدى قامتاماسىز ەتۋ ماقساتىندا قاۋلىسى جارىق كورگەن بولاتىن. قاۋلىعا سايكەس، اباي مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيا قۇرىلىپ، جالپى رەسپۋبليكالىق جوسپار بەكىتىلدى. الداعى ۋاقىتتا ابايدىڭ «جيدەباي- ءبورىلى» مەملەكەتتىك تاريحي- مادەني جانە ادەبي- مەموريالدىق قورىق- مۋزەيىن كەشەندى جاڭعىرتۋ جونىندە قاجەتتى شارالار قابىلدانىپ، نۇر- سۇلتان قالاسىندا اباي قۇنانباي ۇلىنىڭ 175 جىلدىق مەرەيتويىنا ارنالعان حالىقارالىق عىلىمي- پراكتيكالىق كونفەرەنسيا وتكىزىلەدى. كونفەرەنسيا جۇمىسىنا گەرمانيانىڭ گەتە ينستيتۋتىنان، تۇركيادان، موڭعوليادان، قىتايدان، امەريكادان جانە كانادادان، تاتارستان مەن ازەربايجان سىندى وزگە دە مەملەكەتتەردەن ابايدىڭ شىعارماشىلىعى مەن ءومىر جولىن زەرتتەپ جۇرگەن زيالىلار قاتىسپاق.

اۆتور مارلان جيەمباي



باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات