+7 (701) 759 90 19
-4 °С : نۇر-سۇلتان
-2 °С : الماتى
USD 376.84 EUR 407.97
RUB 5.91 CNY 53.80
جاڭالىقتار

قازاقستاننىڭ شەت ەلدەردەگى ەلشىلىكتەرى جانىنان «اباي ورتالىقتارى» اشىلادى

21 قاڭتار 16:06
:ءبولىسۋ
قازاقستاننىڭ شەت ەلدەردەگى ەلشىلىكتەرى جانىنان «اباي ورتالىقتارى» اشىلادى

نۇر- سۇلتان. قازاقپارات - ابايدىڭ مەرەيتويىنا قاتىستى جوبالار بيىلعى جىلمەن عانا شەكتەلمەيدى. بۇل تۋرالى ەلورداداعى ابايدىڭ 175 جىلدىق مەرەيتويىنىڭ رەسمي اشىلۋىنا ارنالعان سالتاناتتى شارادا ق ر مادەنيەت جانە سپورت ءمينيسترى اقتوتى رايىمقۇلوۆا ءمالىم ەتتى، دەپ حابارلايدى قازاقپارات ءتىلشىسى.

«مەرەيتوي اياسىندا شەت ەلدەردە ءبىرقاتار ماڭىزدى شارالار وتكىزىلەدى. قازاقستاننىڭ ەلشىلىكتەرى جانىنان «اباي ورتالىقتارى» اشىلادى. بۇل - الەمگە اقىننىڭ ەڭبەكتەرى مەن ۇلتتىق قۇندىلىقتارىمىزدى قاتار تانىتۋ دەگەن ءسوز. اقىننىڭ عيبراتتى عۇمىرى حالقىمىزدىڭ ءتول ونەرى - ايتىس ارقىلى دا كەڭىنەن ناسيحاتتالادى. ءبىز ۇلى ابايدىڭ وسيەتىن ماڭگى جادىمىزدا ساقتاۋعا ءتيىسپىز» ، - دەدى ا. رايىمقۇلوۆا.

سونىمەن قاتار ۆەدومستۆو باسشىسى ابايدىڭ قاستەرلى مەكەنى - ايگىلى جيدەبايدى اباتتاندىرۋدى شارالارى قولعا الىناتىنىن اتاپ ءوتتى.

«سول ارقىلى ۇلى اقىننىڭ رۋحىنا تاعزىم ەتىپ كەلەتىن جۇرتشىلىققا لايىقتى جاعداي جاسايمىز. مۇنداي قادام وڭىردە مادەني ءتۋريزمنىڭ دامۋىنا تىڭ سەرپىن بەرەدى. مەرەيتويعا بايلانىستى بۇدان باسقا دا كوپتەگەن مادەني ءىس- شارا وتكىزىلەدى. پرەزيدەنتىمىز قاسىم- جومارت توقايەۆ «ەڭ باستى ماقسات - توي تويلاۋ ەمەس، وي تولعاۋ ەكەنىنە» زور ءمان بەرىپ وتىر. ءىس- شارالاردى وتكىزۋ كەزىندە ىسىراپشىلدىق پەن ناۋقانشىلدىققا جول بەرىلمەيدى» ، - دەپ توقتالدى مينيستر.

ونىڭ سوزىنە قاراعاندا، كەيبىر جوبالار بيىلعى جىلمەن شەكتەلمەيدى، ياعني الداعى ۋاقىتتا جالعاسىن تابادى.

«جالپى، ءبىز ابايدىڭ مەرەيتويىنا قوعامدىق سانانى جاڭعىرتاتىن وتە ماڭىزدى شارا رەتىندە ءمان بەرەمىز. اباي مۇراسى - جاڭا قازاقستاننىڭ ودان ءارى ءوسىپ- وركەندەۋىنە جول اشاتىن باعا جەتپەس قۇندىلىق. ۇلى ويشىلدىڭ وسيەتىنە ءاردايىم بەرىك بولساق، ەل رەتىندە ەڭسەلەنە تۇسەمىز. اباي مەرەيتويى - ەلباسىمىز باستاعان رۋحاني جاڭعىرۋ باعدارلاماسىنىڭ وتە ءبىر ماڭىزدى بولىگى. تۇڭعىش پرەزيدەنتىمىزدىڭ بۇگىنگى وسى ءىس- شاراعا قاتىسۋى بۇكىل اباي مۇراسىن دارىپتەۋ جۇمىسىنا ەرەكشە سەرپىن بەرەتىنى ءسوزسىز. حالقىمىزدىڭ بويتۇمارى - ابايدىڭ ونەگەسىن وسكەلەڭ ۇرپاقتىڭ بويىنا ءسىڭىرۋ - بارشامىزعا پارىز. سوندىقتان ۇلتىمىزدى ۇلىقتايتىن وسىنداي يگى باستاماعا جۇرت بولىپ جۇمىلا بىلەيىك!» ، - دەدى اقتوتى رايىمقۇلوۆا.

بۇدان بۇرىن حابارلانعانداي، بۇگىنگى سالتاناتتى شارادا اباي تۋرالى بىرنەشە دەرەكتى فيلم مەن تەلەسەريال تۇسىرىلەتىنى ايتىلدى.


باستى سوزدەر: قوعام, مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات