لاستانعان اۋا قاباتى جۇرەك تالماسىنىڭ نەگىزگى سەبەبى ەكەندىگى انىقتالدى

نۇر-سۇلتان. قازاقپارات – ا ق ش- تىڭ يەلس ۋنيۆەرسيتەتىنىڭ عالىمدارى لاستانعان اۋادا كەزدەسەتىن كوزگە كورىنبەيتىن كىشكەنتاي توزاڭدار اياقاستى جۇرەك تالماسىنا الىپ كەلەدى دەگەن توقتامعا كەلدى.

بۇل تۋرالى MedicalXpress سايتىندا جاريالاندى.

 زەرتتەۋشىلەر گەرمانيانىڭ اۋگسبۋرگ قالاسىنداعى ولىمگە الىپ كەلمەگەن ميوكارد ينفاركتىسىنە شالدىققان 5898 ناۋقاسقا باقىلاۋ جۇرگىزىپتى. ناۋقاستاردىڭ دەنساۋلىعىن زەرتتەگەن كەزدە اۋا قاباتىنىڭ لاستانۋى، اپتانىڭ كۇنى، جانە ازاماتتىڭ قوعامداعى دارەجەسى ەسكەرىلىپتى.

 زەرتتەۋ ناتيجەلەرىنە سايكەس ۇساق شاڭ- توزاڭداردىڭ جۇرەك جۇمىسىنا كەرى اسەر ەتكەندىگى انىقتالعان. ولشەمىنىڭ وتە مايدا بولعاندىقتان توزاڭدار قان مەن جاسۋشانىڭ قۇرامىنا وڭاي ەنەدى.

 ميوكارد ينفاركتى الەم بويىنشا جۇرەك، قان- تامىرلار جۇيەسىنىڭ ءجيى كەزدەسەتىن اۋرۋى بولىپ سانالادى. ۇساق شاڭ- توزاڭداردىڭ ولشەمى 100 نانومەتردەن دە تومەن ەكەن. ال مۇنداي توزاڭدار كوبىنە اۆتوكولىكتەردەن شىعاتىن تۇتىننەن تۇزىلەدى.