13:58, 21 - قاڭتار 2020 | GMT +6
وڭتۇستىك كورەيادا قازاقستاندىق قىز اسىلىپ قالدى
نۇر-سۇلتان. قازاقپارات - وڭتۇستىك كورەيا ەلىندە قازاقستاندىق قىز اسىلىپ قالدى.
بۇل اقپاراتتى ق ر سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى نۇربەك الماشيەۆ راستادى، دەپ حابارلايدى قازاقپارات ءتىلشىسى.
«2020-جىلدىڭ 16- قاڭتارىندا وڭتۇستىك كورەيانىڭ انسان قالاسىندا، ءوز پاتەرىندە قازاقستان ازاماتشاسىنىڭ مۇردەسى تابىلدى. قالا پوليتسياسىنان كەلىپ تۇسكەن اقپاراتقا سايكەس، ول جۋىناتىن بولمەدە اسىلىپ قالعان»، - دەدى نۇربەك الماشيەۆ.
ونىڭ اتاپ وتۋىنشە، قازىرگى ۋاقىتتا تەرگەۋ امالدارى مەن سوت-مەديتسينالىق ساراپتاما جۇرگىزىلۋدە. وڭتۇستىك كورەياداعى قازاقستان ەلشىلىگىنىڭ كونسۋلدىق ءبولىمى قازا تاپقان قىزدىڭ تۋىستارىنا قاجەتتى بارلىق كونسۋلدىق-قۇقىقتىق كومەك كورسەتىپ جاتىر.