+7 (701) 759 90 19
-4 °С : نۇر-سۇلتان
0 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

قازاقستاندا ۇيالى بايلانىس وپەراتورلارىنىڭ تابىسى قانداي؟

21 قاڭتار 13:33
:ءبولىسۋ
قازاقستاندا ۇيالى بايلانىس وپەراتورلارىنىڭ تابىسى قانداي؟

نۇر-سۇلتان. قازاقپارات - وپەراتورلار ءبىر جىلدا ۇيالى بايلانىس قىزمەتىنەن تۇسكەن تابىس 6 ميلليارد تەڭگەگە ارتتى، دەپ حابارلايدى قازاقپارات ranking.kz سىلتەمە جاساپ.

«2019-جىلعى جەلتوقساننىڭ سوڭىندا قازاقستاندا ۇيالى بايلانىستىڭ 25,7 ميلليون ابونەنتى تىركەۋدە بولدى. بۇل وسىنىڭ الدىنداعى ءبىر جىل بۇرىنعى كورسەتكىشتەن 1,1 پايىزعا از (26 ميلليون). سونىمەن بىرگە، ينتەرنەتكە قوسىلعان ۇيالى بايلانىس ابونەنتتەرى سانى ءبىر جىلدا 3,9 پايىزعا ارتىپ، 15 ميلليون بولدى (ءبىر جىل بۇرىن 14,4 ميلليون ابونەنت)»، - دەلىنگەن حابارلامادا.

2019-جىلعى قاڭتار-جەلتوقساندا بايلانىس قىزمەتىنەن كومپانيالار تابىسى 9,8 پايىزعا ارتىپ، 800,1 ميلليارد تەڭگەنى قۇرادى. 2018-جىلداعى سايكەس كەزەڭدە تابىس سوماسى 728,7 ميلليارد تەڭگە بولعان ەدى.

بايلانىس نارىعىنىڭ جالپى كولەمىندە ەڭ جوعارى ۇلەستى ينتەرنەت قىزمەتى كىرىستەرى قۇراپ وتىر، ياعني 35,6 پايىزعا نەمەسە 258,1 ميلليارد تەڭگەگە جەتتى. بۇل قارجى سوماسى 2018-جىلمەن سالىستىرعاندا 16,6 پايىز دەڭگەيىندە ءوستى.

وسى تۇرعىدا ينتەرنەت قىزمەتتەرىنە سۇرانىستىڭ ارتۋى نەگىزگى سەبەپ بولدى. سونداي-اق، سەكتورداعى ءتاريفتىڭ ءوسىمى وزىندىك ۇلەسىن قوستى. 2019-جىلعى قاڭتار-جەلتوقساندا ينتەرنەت بايلانىس قۇنى 2018-جىلعى قاڭتار-جەلتوقسانعا قاراعاندا 3,3 پايىزعا ارتتى.

مۇنىمەن قوسا، نارىقتىڭ 27,7 پايىزى ۇيالى بايلانىس قىزمەتىنەن تابىستى قامتىپ وتىر. بىلتىرعى 12 ايدا ونىڭ سوماسى 221,6 ميلليارد تەڭگەگە جەتىپ، 2018-جىلعى كەزەڭمەن (215,5 ميلليارد تەڭگە) سالىستىرعاندا 2,8 پايىزعا ءوستى.


باستى سوزدەر: ةكونوميكا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات