+7 (701) 759 90 19
-8 °С : نۇر-سۇلتان
-8 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

شىمكەنتتە قالانىڭ جاڭا اكىمى تاعايىندالدى

21 قاڭتار 11:11
:ءبولىسۋ
شىمكەنتتە قالانىڭ جاڭا اكىمى تاعايىندالدى

شىمكەنت. قازاقپارات - شىمكەنت قالاسىنىڭ اكىمى بولىپ مۇرات ايتەنوۆ تاعايىندالدى، دەپ حابارلايدى قازاقپارات ءتىلشىسى.

مەملەكەت باسشىسى قاسىم-جومارت توقايەۆتىڭ جارلىعىمەن جانە قالالىق ءماسليحاتتىڭ كەلىسىمىمەن مۇرات دۇيسەنبەك ۇلى ايتەنوۆ شىمكەنت قالاسىنىڭ اكىمى بولىپ تاعايىندالدى.

مۇرات دۇيسەنبەك ۇلى ايتەنوۆ 1981-جىلى 30- قازاندا وڭتۇستىك قازاقستان وبلىسى جەتىساي قالاسىندا دۇنيەگە كەلدى.

2004-جىلى س. م. شتەمەنكو اتىنداعى كراسنودار اسكەري ينستيتۋتىن «ۇيىمداستىرۋ جانە اقپاراتتى قورعاۋ تەحنولوگياسى» ماماندىعى بويىنشا بىتىرگەن. 2011-جىلى قازتۇتىنۋ وداعىنىڭ قاراعاندى ەكونوميكالىق ۋنيۆەرسيتەتىن «زاڭتانۋ» ماماندىعى بويىنشا اياقتاعان.

ەڭبەك جولىن استانا قالاسىندا 2004-جىلى قازاقستان رەسپۋبليكاسى قورعانىس مينيسترلىگى جانىنداعى ارنايى بايلانىس ءبولىمىنىڭ كەزەكشىلىك اۋىسىمىنىڭ اعا ينجەنەر-باستىعى بولىپ باستاعان.

2006-2008-جىلدارى – ق ر پ ءى ب «استانا-ءونىم» ا ق شارۋاشىلىق اۋلاسىنىڭ مەڭگەرۋشىسى. 2008-2010-جىلدارى – ق ر پ ءى ب ۆەدومستۆولىق قاراستى ۇيىمداردى باسقارۋ جونىندەگى ءبولىمنىڭ وندىرىستىك قىزمەتتى ۇيلەستىرۋ سەكتورىنىڭ ساراپشىسى.

2010-2012-جىلدارى - قازاقستان رەسپۋبليكاسى پرەزيدەنتى ءىس باسقارماسىنىڭ رەسمي ءىس-شارالار جانە سىرتقى بايلانىستار ءبولىمى مەڭگەرۋشىسىنىڭ ورىنباسارى. 2012-2013-جىلدارى - قازاقستان رەسپۋبليكاسى پرەزيدەنتى ءىس باسقارماسىنىڭ رەسمي ءىس-شارالار جانە سىرتقى بايلانىستار ءبولىمىنىڭ مەڭگەرۋشىسى.

2013-2016-جىلدارى قازاقستان رەسپۋبليكاسى پرەزيدەنتى ءىس باسقارماسىنىڭ اپپارات باسشىسى لاۋازىمىنا تاعايىندالدى.

2017-2019-جىلدارى ق ر پرەزيدەنتى ءىس باسقارۋشىسىنىڭ ورىنباسارى 2019-جىلعى جەلتوقساننان بەرى شىمكەنت قالاسى اكىمىنىڭ ءبىرىنشى ورىنباسارى بولعان.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات