+7 (701) 759 90 19
-8 °С : نۇر-سۇلتان
-9 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

ترامپ ادۆوكاتتارى پرەزيدەنتكە «ءۇستىرت» ايىپتار تاعىلعانىن ايتتى

21 قاڭتار 12:16
:ءبولىسۋ
ترامپ ادۆوكاتتارى پرەزيدەنتكە «ءۇستىرت» ايىپتار تاعىلعانىن ايتتى

نۇر-سۇلتان. قازاقپارات – 20- قاڭتاردا ا ق ش پرەزيدەنتى دونالد ترامپتىڭ ادۆوكاتتارى پرەزيدەنتكە تاعىلعان ايىپتاۋلارعا بايلانىستى سەناتقا رەسمي تۇردە جاۋاپ بەردى.

110 بەتتىك قۇجاتتا ادۆوكاتتار وكىلدەر پالاتاسىنىڭ تاققان ايىپتارىن «ءۇستىرت» ءارى «ءقاۋىپتى» دەپ باعالاعان. ادۆوكاتتاردىڭ ايتۋىنشا، ترامپتىڭ زاڭ بۇزعانىن دالەلدەيتىن ايعاق جوق جانە پرەزيدەنت ۋكراينامەن قارىم-قاتىناس جاساعان كەزدە ا ق ش مۇددەسىنە ساي ارەكەت ەتكەن.

ەكى كۇن بۇرىن وكىلدەر پالاتاسى سەناتقا مالىمدەمە جولداعان. ولاردىڭ پىكىرىنشە، ترامپ پرەزيدەنت رەتىندە بەرگەن انتىن بۇزىپ، ا ق ش- تىڭ ءوز ىشىندەگى ساياسي كۇرەستە شەتەلدىڭ كومەگىن پايدالانۋعا تىرىسقان.

ا ق ش- تا يمپيچمەنت داۋى ترامپتىڭ 25- شىلدەدە ۋكراينا پرەزيدەنتى ۆلاديمير زەلەنسكيمەن بولعان اڭگىمەسىنەن سوڭ تۋعان. امەريكالىق باسىلىمدار ترامپ 2020-جىلى وتەتىن سايلاۋدا باسەكەلەسى بولۋى ىقتيمال دجو بايدەننىڭ ۇستىنەن جەمقورلىق داۋى بويىنشا ءىس قوزعاۋعا زەلەنسكيدى ماجبۇرلەمەك بولعان دەپ جازدى. سىنشىلار ترامپتى «قىزمەت وكىلەتىن اسىرا پايدالانىپ، ىقتيمال باسەكەلەسىنە قارسى دەرەك تابۋعا تىرىستى» دەپ ايىپتادى. دونالد ترامپ بۇل ايىپتاۋلاردى جوققا شىعاردى.

ترامپ پەن زەلەنسكي اراسىنداعى اڭگىمە مازمۇنى بەلگىلى بولعان سوڭ ا ق ش كونگرەسى وكىلدەر پالاتاسىنداعى دەموكراتتار ترامپقا «سەرتىن بۇزعانى ءۇشىن» يمپيچمەنت جاريالاۋ پروتسەسىن باستاعان. بۇعان دەيىن ۋكراينا پرەزيدەنتى ۆلاديمير زەلەنسكي وزىنە ترامپتىڭ قىسىم جاساماعانىن ايتقان.

16- قاڭتاردا ا ق ش كونگرەسىنىڭ سەناتىندا پرەزيدەنت دونالد ترامپقا يمپيچمەنت جاريالاۋ ءىسى اياسىندا پرەزيدەنتكە تاعىلعان ايىپتار رەسمي تۇردە تانىستىرىلدى. جوعارعى سوت ءتوراعاسى دجون روبەرتس سوت پروتسەسىنە ءتوراعالىق ەتەدى. ترامپقا بيلىكتى اسىرا پايدالاندى جانە كونگرەستىڭ جۇمىسىنا كەدەرگى كەلتىردى دەگەن ايىپ تاعىلعان. بۇل ءىس بويىنشا سەناتورلار سوت القاسى ءرولىن اتقارادى. كونگرەسمەندەر ايىپتاۋشى تاراپ رەتىندە سويلەيدى.

21- قاڭتاردا سەناتورلار پروتسەستى وتكىزۋ ءتارتىبىن ماقۇلداۋى ءتيىس. ايىپتاۋ مەن قورعاۋ تارابىنا ارگۋمەنتتەرىن تانىستىرۋعا ەكى كۇننەن بەرىلەدى. سوسىن سەناتورلار قوسىمشا كۋالاردى تارتۋ ماسەلەسىن شەشپەك. ترامپ ادۆوكاتتارى ىسكە جاڭا كۋالار تارتۋعا قارسى. ال دەموكراتتار سەنات تىڭداۋىنا ترامپتىڭ كومەكشىلەرىن شاقىرعىسى كەلەدى. ولاردىڭ اراسىندا پرەزيدەنتتىڭ ۇلتتىق قاۋىپسىزدىك جونىندەگى بۇرىنعى كومەكشىسى دجون بولتون دا بار. ەگەر سەناتورلار جاڭا كۋالاردى شاقىرسا، سوت پروتسەسى سوزىلۋى مۇمكىن.

سەناتتا رەسپۋبليكاشىلدار كوپشىلىك بولىپ وتىر. رەسپۋبليكاشىلداردىڭ ەشقايسىسى بۇعان دەيىن كونگرەسس تاققان ايىپتاردى قولداماعان. ساراپشىلار ترامپتىڭ اقتالاتىنىنا سەنىمدى.

«ازاتتىق»


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات