+7 (701) 759 90 19
-10 °С : نۇر-سۇلتان
-3 °С : الماتى
USD 376.16 EUR 406.18
RUB 5.90 CNY 53.60
جاڭالىقتار

جەڭىس قاسىمبەك جول جوندەۋگە جەرگىلىكتى جۇمىسشىلاردى تارتۋدى تاپسىردى

21 قاڭتار 10:54
:ءبولىسۋ
جەڭىس قاسىمبەك جول جوندەۋگە جەرگىلىكتى جۇمىسشىلاردى تارتۋدى تاپسىردى

قاراعاندى. قازاقپارات - قاراعاندى وبلىسىنداعى رەسپۋبليكالىق ماڭىزى بار جولداردا جوندەۋ جۇمىستارىنىڭ كولەمى 4 ەسە ارتادى، دەپ حابارلايدى قازاقپارات ءتىلشىسى.

سونىمەن قاتار قاراعاندى وڭىرىندە وبلىستىق ماڭىزى بار جولداردى جوندەۋ قارقىنداي تۇسپەك. وسى جوبالاردا جەرگىلىكتى حالىقتى جۇمىسقا بارىنشا تارتۋ كەرەك، دەپ ەسەپتەيدى ايماق باسشىسى جەڭىس قاسىمبەك.

«بيىل اۆتوموبيل جولدارىن سالۋ جانە جوندەۋ بويىنشا اۋقىمدى جۇمىستار اتقارىلادى. وتكەن جىلمەن سالىستىرعاندا قارجىلاندىرۋ جانە جۇمىس كولەمى 3,5-4 ەسە ۇلعايادى. رەسپۋبليكالىق جولداردىڭ %30 دان استامىن ءبىرىنشى جانە ەكىنشى ساناتقا اۋىستىرۋ جوسپارلانىپ وتىر. جالپى جەرگىلىكتى جانە رەسپۋبليكالىق جولدارعا 4500 گە جۋىق جۇمىسشى جانە 3000 نان استام تەحنيكا جۇمىلدىرىلادى. ءوڭىر ءۇشىن بۇل - جاڭا جۇمىس ورىندارى مەن ينۆەستيتسيا. جەرگىلىكتى كادرلاردى بارىنشا تارتۋ ءۇشىن مەردىگەرلىك ۇيىمدارمەن جۇمىس جۇرگىزۋ قاجەت»، - دەدى جەڭىس قاسىمبەك اپپاراتتىق كەڭەستە.

جۇمىسپەن قامتۋدى ۇيلەستىرۋ باسقارماسىنىڭ باسشىسى اسەم جۇنىسپەكوۆانىڭ ايتۋىنشا، وبلىستا جول جۇمىسشىلارىن جەدەل تارتىپتە دايىندايتىن 17 وقۋ ورتالىعى بار. وندا بۋلدوزەرشى، توسەۋشى، ەكسكاۆاتورشى سەكىلدى 11 ماماندىقتى مەڭگەرىپ شىعۋعا بولادى.

وبلىس اكىمى سونداي-اق قۇرىلىس ماتەريالدارى قورىن ۋاقىتىلى دايىنداۋدى تاپسىردى.

«قۇرىلىس جۇمىستارى مەن قولدانىلاتىن جول-قۇرىلىس ماتەريالدارىنىڭ ساپاسىن قامتاماسىز ەتۋ ەرەكشە باقىلاۋدا بولادى»، - دەپ اتاپ ءوتتى ايماق باسشىسى.

جولاۋشىلار كولىگى جانە اۆتوجول باسقارماسى باسشىسىنىڭ ورىنباسارى سايات شايمين حابارلاعانداي، وبلىستا 2020-جىلى رەسپۋبليكالىق جانە وبلىستىق ماڭىزى بار 1500 شاقىرىمنان استام اۆتوموبيل جولىن جوندەۋ جوسپارلانعان. وتكەن جىلدىڭ قورىتىندىسى بويىنشا جاقسى جانە قاناعاتتانارلىق جاعدايداعى جولداردىڭ ۇلەسى - %77. ال بيىل سول كورسەتكىشتى %84 عا دەيىن ارتتىرۋ جوسپارلانىپ وتىر.

«ورتالىق-وڭتۇستىك» اۋقىمدى جوباسىن قوسا العاندا، وبلىستىڭ جول ينفراقۇرىلىمىن جاقسارتۋ بويىنشا جۇمىس جالعاسادى. «نوۆودولينكا- شاحان-مولودەتسكوە» وتپەلى نىسانىن قايتا قۇرۋ جوسپارلانعان. سونداي-اق «قاراعاندى-ساران-شاحتينسك» اۆتوجولى ۋچاسكەسىندە جۇمىس جالعاسادى. 2020-جىلى «نۇرلى جول» مەملەكەتتىك باعدارلاماسىنىڭ ەكىنشى بەسجىلدىعى اياسىندا 50/50 پاريتەتتىك نەگىزدە جەرگىلىكتى ماڭىزى بار، ۇزاقتىعى 415 شاقىرىم بولاتىن اۆتوجولداردىڭ 20 ۋچاسكەسىن ورتاشا جوندەۋ قاراستىرىلعان. ونىڭ ىشىندە قازاقستاننىڭ تۋريستىك كارتاسىنا ەنگەن قارقارالى جانە ۇلىتاۋ اۋداندارىنداعى وبەكتىلەر بار»، - دەپ حابارلادى بايانداماشى.

بيىل وساكاروۆ، اباي، نۇرا جانە بۇقار جىراۋ اۋداندارىندا 5 جاڭا جوبانى باستاۋ جوسپارلانىپ وتىر. «اۋىل - ەل بەسىگى» ارنايى جوباسى بويىنشا وبلىستىڭ بەس اۋدانىنداعى جەتى كەنتتىڭ 35 كوشەسىنە جوندەۋ جۇمىستارى جۇرگىزىلەدى.

اۆتوجولداردىڭ ۇزىندىعى بويىنشا قاراعاندى وبلىسى رەسپۋبليكادا بەسىنشى ورىندا. ءوڭىر بويىمەن 12441 شاقىرىم جول وتەدى، ونىڭ ىشىندە 2785 شاقىرىمى - رەسپۋبليكالىق ماڭىزى بار جول. 3462 شاقىرىم - وبلىستىق جانە 6194 شاقىرىم - اۋداندىق ماڭىزى بار جولدار مەن ەلدى مەكەن كوشەلەرى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات