+7 (701) 759 90 19
-7 °С : نۇر-سۇلتان
-8 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

باس قالادا ءال-فارابي مەن اباي مەرەيتويىنىڭ تۇجىرىمداماسى بەكىتىلدى

21 قاڭتار 09:31
:ءبولىسۋ
باس قالادا ءال-فارابي مەن اباي مەرەيتويىنىڭ تۇجىرىمداماسى بەكىتىلدى

نۇر-سۇلتان. قازاقپارات - ەلوردادا ءال-فارابيدىڭ 1150 جىلدىق جانە ابايدىڭ 175 جىلدىق مەرەيتويىن اتاپ ءوتۋ بويىنشا ارنايى جوسپار قۇرىلىپ، تۇجىرىمداما بەكىتىلدى، دەپ حابارلايدى قازاقپارات ءتىلشىسى.

«بيىل ەلىمىزدە بىرنەشە ايتۋلى مەرەيتوي مەن داتالاردى اتاپ وتكەلى وتىرمىز. اتاپ ايتقاندا، ابايدىڭ – 175، ءابۋ-ناسىر ءال ءفارابيدىڭ – 1150، التىن وردانىڭ - 750 جىلدىعى. وسى ورايدا ەل ورداسى - نۇر-سۇلتان قالاسىندا وتەتىن ماڭىزدى ءىس-شارالاردى تالقىلاۋ ءۇشىن جينالىپ وتىرمىز. ودان بولەك، بيىل Ⅱدۇنيەجۇزىلىك سوعىستىڭ اياقتالعانىنا 75 جىل، كونستيتۋتسيامىزعا - 25 جىل جانە قازاقستان حالقى اسسامبلەياسىنا - 25 جىل تولادى. ەلىمىز ءۇشىن ماڭىزدى شارالاردىڭ ەلوردادان باستاۋ الاتىنىن بىلەسىزدەر. سوندىقتان ءبىز ءاربىر ىسكە جاۋاپكەرشىلىكپەن قاراۋىمىز كەرەك. ءال-فارابي مەن ۇلى ابايدىڭ مەرەيتويى قاعاز جۇزىندەگى شارالارمەن عانا وتپەۋى ءتيىس»، - دەدى قالا اكىمىنىڭ ورىنباسارى باقتيار ماكەن اكىمدىكتە وتكەن جيىندا.

سونداي-اق، اكىم ورىنباسارى ەلوردادا وتەتىن شارالارعا جاۋاپتى باسقارمالار مەن ۇيىمدار دايىندىقتى كۇشەيتۋى كەرەكتىگىن قاداپ ايتتى.

«ابايدىڭ 175 جىلدىعى مەن ءابۋ-ناسىر ءال-فارابيدىڭ 1150 جىلدىق مەرەيتويىن اتاپ ءوتۋ بويىنشا ءتيىستى جوسپار بەكىتىلدى. ارنايى تاپسىرما بار. ونىڭ ىشىندە قالالىق دەڭگەيدە وتەتىن ءىس-شارالاردىڭ تۇجىرىمداماسى جاسالىپ، بەكىتىلدى. باس قالادا مەرەيتويعا وراي ناقتى ىستەر قولعا الىنۋدا، سونىڭ ءبىرى - «اباي الەمى» ورتالىعى. ەلوردادا باس اقىنعا ارنالعان ورتالىق بولۋى ءتيىس. ورتالىقتان قالا تۇرعىندارى مەن قوناقتارى ەكسپوناتتى عانا تاماشالاپ قويماي، رۋحاني ازىق الاتىنداي بولۋى قاجەت. اباي - جان-جاقتى تۇلعا، سوندىقتان ول ورتالىققا ءبىز اقىن-جازۋشىلارمەن قاتار سۋرەتشى، تاريحشى، مۋزىكانتتاردى دا تارتۋىمىز كەرەك. سەبەبى اباي الەمى كەڭ. وسى ورايدا كىتاپ شىعاردىق، قازىر ونى تولىقتىرىپ جاتىرمىز. ول ۇلكەن جوبا بولايىن دەپ تۇر، الداعى ۋاقىتتا ارنايى ءماجىلىس وتكىزىپ، تانىستىرامىز. جانە ءاربىر شاراعا جاۋاپتى ۇيىمدار مەن مەكەمەلەر دايىندىقتى كۇشەيتۋى ءتيىس»، - دەدى ول.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات