+7 (701) 759 90 19
-7 °С : نۇر-سۇلتان
-9 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

ا ق ش- تا سيىر ءسۇتى وتپەي جاتىر

20 قاڭتار 21:33
:ءبولىسۋ
ا ق ش- تا سيىر ءسۇتى وتپەي جاتىر

نۇر-سۇلتان. قازاقپارات - ا ق ش- تا سيىر ءسۇتى وتپەي جاتىر. سول سەبەپتى فەرمالار جابىلا باستاعان. ويتكەنى تۇرعىنداردىڭ كوبى ءداستۇرلى اس- سۋدىڭ قۇرامىن وزگەرتۋگە اۋەس.

سوسىن كومىرقىشقىلى مەن قانتى كوپ ازىق- تۇلىكتەن دە باس تارتۋشىلار كوبەيگەن. «Washington Life» جۋرنالىنىڭ اس- سۋعا بايلانىستى ايدارى كوپشىلىككە تانىمال. وندا تاعام تانۋ ۇردىستەرى، امەريكانىڭ ايگىلى اسپازدارىنىڭ شەبەرلىك قۇپيالارى جانە وسى اس دايىنداۋعا بايلانىستى ءتۇرلى تاقىرىپتار قامتىلادى.

دجوردان رايت، پۋبليتسيست:

- قازىر ا ق ش تۇرعىندارىنىڭ تاماقتانۋىندا ءبىراز وزگەرىستەر بولىپ جاتىر. تۇتىنۋشىلار جەرگىلىكتى ونىمدەردى الۋعا قۇشتار. اسپازدار فەرمەرلەرگە تىكەلەي تاپسىرىس بەرۋگە كوشكەن. مۇنداي ءۇردىس بۇكىل ەل اۋماعىن قامتىپ جاتىر دەسەم قاتەلەسپەيمىن.

دجوردان رايتتىڭ اۋلەتى شوۋ بيزنەستە تانىمال. ءبىراق وسىعان قاراماستان رايت حانىم تاماقتانۋ سالاسىنا دەن قويىپ، اس ءىشۋ، اسپازدار شەبەرلىگى سياقتى ماقالالار جازۋدى كاسىبىنە اينالدىرعان.

دجوردان رايت، پۋبليتسيست:

- ا ق ش- تا سيىر ءسۇتىنىڭ ساتىلىمى تومەندەپ، كوپتەگەن فەرمالار جابىلىپ جاتىر. ادامدار سۇلى جارماسى، بادام، سويا سىندى داقىلداردىڭ ءسۇتىن ساتىپ الۋعا كوشكەن. تۇرعىندار ولار سيىر سۇتىنە قاراعاندا پايدالى دەپ سانايدى.

حالىقتىڭ مۇنداي الاڭداۋشىلىعىن تۇسىنۋگە بولادى - دەيدى دجوردان رايت. سەبەبى، ەلدە قانت ديابەتىمەن اۋىراتىن ادامداردىڭ سانى كوبەيگەن. ا ق ش- تا ءار بەسىنشى بالا وسىنداي دەرتكە شالدىققان.

دجوردان رايت، پۋبليتسيست:

- امەريكاندىقتاردا حولەستەرين مولشەرىنىڭ شامادان تىس ارتۋى بايقالادى. حالىقتىڭ ءبىراز بولىگى ءالى كۇنگە دەيىن تەز دايىندالاتىن تاعام جەيدى. ءتىپتى تاماق دايىنداي المايتىن ۇرپاق پايدا بولدى. ويتكەنى اتا- انالار جۇمىستان قولدارى بوساماي بالالارى وسىنداي شالا دايىندالعان ونىمدەردى پايدالانىپ ۇيرەنىپ قالعان. ال ۋاقىتتى ۇنەمدەۋ ءۇشىن جاسالىنعان تاعامنىڭ ءبارى دەنساۋلىققا زيان.

رايت حانىم دەنساۋلىقتىڭ مىقتى بولۋى ەڭ الدىمەن دۇرىس تاماقتانۋعا بايلانىستى دەيدى. وسى رەتتە پايدالى اس ازىرلەۋ ءۇشىن قىمبات نەمەسە ەكزوتيكالىق ءونىمدى ساتىپ الۋدىڭ ەش قاجەتى جوق ەكەنىن ايتادى.

www.24.kz


باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات