+7 (701) 759 90 19
-4 °С : نۇر-سۇلتان
4 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

ەلوردادا تاشەنوۆكە، قوجانوۆقا، بيگەلدينوۆكە، التىنسارينعا ەسكەرتكىش ورناتىلادى

20 قاڭتار 21:08
:ءبولىسۋ
ەلوردادا تاشەنوۆكە، قوجانوۆقا، بيگەلدينوۆكە، التىنسارينعا ەسكەرتكىش ورناتىلادى

نۇر- سۇلتان. قازاقپارات - ەلوردادا تاشەنوۆكە، قوجانوۆقا، بيگەلدينوۆكە، التىنسارينعا ەسكەرتكىش ورناتىلادى.

بۇل تۋرالى بۇگىن ەلوردا اكىمدىگىندە وتكەن كەڭەيتىلگەن كەڭەستە نۇر- سۇلتان قالالىق مادەنيەت باسقارماسىنىڭ باستىعى نۇرلان سىدىقوۆ ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، الەمنىڭ ەكىنشى ۇستازى اتانعان ءال- فارابيدىڭ 1150 جىلدىق مەرەيتويىن اتاپ ءوتۋ ءۇشىن ارنايى قالالىق ءىس- شارالار جوسپارى بەكىتىلگەن. ەلوردادا حالىقارالىق عىلىمي- تاجىريبەلىك كونفەرەنسيا جوسپارلانعان. سونداي- اق جاس عالىمداردىڭ قاتىسۋىمەن فارابي وقۋلارى، فارابي تانۋشىلار كەزدەسۋلەرى، كىتاپ كورمەلەرى، شىعارماشىلىق كەشتەر ۇيىمدارىلادى. ەلورداداعى وقۋشىلار سارايىنا ءال- فارابي ەسىمىن بەرۋ ماسەلەسى دە شەشىلىپ جاتىر.

«سونىمەن قاتار وسى جىلى قاڭتاردىڭ 10-نان باستاپ سوڭىنا دەيىن قالامىزعا ءال- فارابي ەسكەرتكىشىن ورناتۋعا كونكۋرس جاريالاندى. بۇيىرتسا، ەسكەرتكىشتى بيىل ورناتامىز دەگەن ويىمىز بار. وسى مۇمكىندىكتىك پايدالانىپ ايتا كەتۋ كەرەك، ءال- فارابيمەن قاتار ءبىرقاتار تۇلعاعا ەسكەرتكىش ورناتۋ جوسپاردا بار. اتاپ ايتقاندا، جۇمابەك تاشەنوۆ، سۇلتانبەك قوجانوۆ، تالعات بيگەلدينوۆ، ىبىراي التىنساريننىڭ ەسكەرتكىشىنە كونكۋرس جاريالاندى. اقپان ايىندا كونكۋرس قورىتىندىسى شىعادى جانە ەڭ ۇزدىك جۇمىستار رەسپۋبليكالىق مەملەكەتتىك كوميسسياعا ۇسىنىلادى»، - دەدى نۇرلان سىدىقوۆ.

باسقارما باسشىسىنىڭ ايتۋىنشا، مۇنان بولەك، بيىل ەلوردادا اباي ورتالىعى سالىنادى. ورتالىق سالىناتىن ورىن انىقتالعان. ناقتى ايتقاندا قازاقستاننىڭ ۇلتتىق مۋزەيى جانىنان بوي كوتەرەدى.

«مۇنان بولەك، قالامىزدا 6 تەاتر بار. وسى تەاترلاردىڭ بارلىعىندا ابايعا، ءال- فارابيگە قاتىستى قويىلىمدار قويىلادى. قازىر ءبىز ابايدىڭ تەك ءبىر بەينەسى ساحنالاناتىن قويىلىمدى تاماشالاپ ءجۇرمىز. وسى جىلى مۇمكىندىك بولسا، سول ابايدىڭ جاس كەزىنەن، ابايدى باسقا قىرىنان تانىتاتىن قويىلىمدار دايىنداپ جاتىرمىز»، - دەدى ول.

اۆتور: مارلان جيەمباي


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات