ەلىمىزدىڭ ءبىرقاتار وبلىسىندا اۋا رايىنا بايلانىستى ەسكەرتۋ جاريالاندى

نۇر- سۇلتان. قازاقپارات - 21 - قاڭتاردا قىزىلوردا وبلىسىنىڭ كەي جەرلەرىندە تۇمان، كوكتايعاق ساقتالادى، دەپ حابارلايدى قازاقپارات «قازگيدرومەت» ر م ك باسپا ءسوز مالىمەتتەرىنە سىلتەمە جاساپ.

باسپاءسوز قىزمەتىنىڭ مالىمەتتەرىنە قاراعاندا، 21 - قاڭتاردا سولتۇستىك قازاقستان وبلىسىنىڭ باسىم بولىگىندە تۇندە قار جاۋادى. كەي جەرلەردە جاياۋ بۇرقاسىن، تۇمان، بولۋى ىقتيمال.

پەتروپاۆل قالاسىندا تۇندە قار جاۋىپ، جاياۋ بۇرقاسىن بوادى، تۇمان ءتۇسۋى دە مۇمكىن.

جاقىن ارادا، كۇن سوڭىنا دەيىن 20 - قاڭتار جانە تاۋلىك بويى 21 - قاڭتاردا قوستاناي وبلىسىنىڭ كەي جەرلەرىندە كوكتايعاق ساقتالادى. 21 - قاڭتاردا كۇندىز وبلىستىڭ باسىم بولىگىندە قار جاۋادى. كەي جەرلەرىندە بۇرقاسىن، تۇمان تۇسەدى. قوستاناي قالاسى تاڭەرتەڭ جانە كۇندىز 21 - قاڭتاردا قار، كوكتايعاق بولادى.

ماڭعىستاۋ وبلىسىنىڭ كەي جەرلەرىندە تۇمان، كوكتايعاق بولادى.