+7 (701) 759 90 19
-8 °С : نۇر-سۇلتان
-9 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

قازاقستان قىتايداعى كوروناۆيرۋسقا بايلانىستى شەكارادا باقىلاۋ شارالارىن كۇشەيتتى

20 قاڭتار 20:33
:ءبولىسۋ
قازاقستان قىتايداعى كوروناۆيرۋسقا بايلانىستى شەكارادا باقىلاۋ شارالارىن كۇشەيتتى

نۇر- سۇلتان. قازاقپارات- قىتايدىڭ ۋحان قالاسىندا جاڭا كوروناۆيرۋستىق ينفەكسيا پايدا بولدى. بۇل تۋرالى ق ر باس مەملەكەتتىك سانيتارلىق دارىگەرى جانداربەك بەكشين ايتتى، دەپ حابارلايدى قازاقپارات ءتىلشىسى.

«دۇنيەجۇزىلىك دەنساۋلىق ساقتاۋ ۇيىمىنىڭ رەسمي اقپاراتى بويىنشا، جاڭا كوروناۆيرۋستىق ينفەكسيانىڭ 41 جاعدايى تىركەلگەن. ونىڭ ىشىندە 7 ادام اۋىر جاعدايدا بولىپ، 2 ەۋى قايتىس بولعان. ءبىزدىڭ ۇلتتىق ۇيلەستىرۋشىلەر د د س ۇ- مەن بايلانىس جاساپ وتىر. ۋحان قالاسىنىڭ مۋنيتسيپالدىق باسقارما سايتىندا جاڭا كوروناۆيرۋستى ينفەكتسيانىڭ 198 جاعدايى تىركەلگەنى، ونىڭ ىشىندە 25 ناۋقاس ەمدەلىپ، 3 ەۋى قايتىس بولعانى تۋرالى جازىلعان» ، - دەيدى جانداربەك بەكشين.

سونداي- اق، ول تايلاند، جاپونيا، قىتايدىڭ حۋبەي پروۆينسياسىندا وسىنداي جاعداي بىرەۋدەن تىركەلگەنىن ايتتى.

«گونكونگتا دا جاڭا كوروناۆيرۋسقا كۇدىكتى التى جاعداي تىركەلدى، ءبىراق راستالعان جوق. ءبىز بۇل ماسەلەگە ۇلكەن كوڭىل ءبولىپ جاتىرمىز. شەكارادان ءوتۋ ورىندارىندا باقىلاۋدى كۇشەيتتىك. حالىقارالىق اۋەجايلاردا قاشىقتىق تەرمومەتريا جاساپ جاتىرمىز. قازىرگى تاڭدا 13 مىڭنان استام جولاۋشى قاشىقتىق تەرمومەتريادان ءوتتى. ونىڭ ىشىندە ەكيپاج مۇشەلەرى دە بار» ، - دەيدى ول.

قىتايدىڭ بەس قالاسىنا نۇر- سۇلتان جانە الماتى قالاسىنان رەيستەر بار.

«الماتىعا ارنايى تەمىرجولمەن كەلەتىن جولاۋشىلار دا باقىلاۋعا الىندى. بورتسەرىكتەر مەن جولسەرىكتەرمەن جۇمىس ىستەپ، ترەنينگ وتكىزىپ جاتىرمىز، سەبەبى قاندايدا ءبىر جاعداي بولسا بىزگە حابارلايتىن سولار» ، - دەيدى جانداربەك بەكشين.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات