ا ق ش، كانادا، قىتاي، تۇركيا، گەرمانيادان ەلورداعا اباي تانۋشىلار كەلەدى

None
None
نۇر- سۇلتان. قازاقپارات - ابايدىڭ 175 -جىلدىق مەرەيتويىنا وراي ەلوردادا 300 دەن استام شارا وتەدى.

بۇل تۋرالى بۇگىن ەلوردا اكىمدىگىندە وتكەن كەڭەيتىلگەن كەڭەستە نۇر- سۇلتان قالالىق تىلدەردى دامىتۋ جانە ارحيۆ ءىسى باسقارماسىنىڭ باستىعى تىلەۋعالي قىشقاشبايەۆ ايتتى، دەپ حابارلايدى قازاقپارات ءتىلشىسى.

«ۇلى ابايدىڭ 175 جىلدىعى بيىل اتالىپ وتەتىن ەڭ ماڭىزدى مەرەيتويلاردىڭ ءبىرى. قازىرگى ۋاقىتتا قالالىق ءىس- شارالار جوسپارى جانە ونىڭ تۇجىرىمداماسى بەكىتىلگەن. ءىس- شارالاردى ۇيىمداستىرۋ جۇمىستارى باستالىپ تا كەتتى. وتكەن جىلدىڭ تامىز ايىندا تىلدەردى دامىتۋ جانە ارحيۆ ءىسى باسقارماسى «ۇلى ابايدىڭ ىزىمەن« دەگەن اتاۋمەن عىلىمي- تانىمدىق ساپار ۇيىمداستىرىپ، زيالى قاۋىم وكىلدەرىنەن قۇرالعان توپ اباي ەلىنە ساياحات جاساپ قايتتى.

سونىمەن قاتار ءبىلىم باسقارماسىنا قاراستى جاسوسپىرىمدەردىڭ ولكەنتانۋ ۇيىمدارىنىڭ ۇيىمداستىرۋىمەن مەكتەپ وقۋشىلارىنا ارنالعان ەكسكۋرسيالىق تۋردىڭ 1-كەزەڭىندە اباي ەلىنە ەلوردالىق وقۋشىلار باردى. ەكىنشى كەزەڭ الداعى ۋاقىتتا، جازعى دەمالىس كەزىندە جالعاسادى. سونىمەن قاتار قىركۇيەك ايىنان باستاپ اشىق ساباقتار، تاربيە ساعاتتارى، پوەزيا كەشتەرى ۇيىمداستىرىلۋدا. بۇل شارالار الداعى ۋاقىتتا دا جالعاسىن تابادى» ، - دەدى ول.

ونىڭ اتاپ وتۋىنشە، 2020 -جىلى بەكىتىلگەن قالالىق جوسپارعا سايكەس، ەلوردامىزدا ءارتۇرلى دەڭگەيدە 300 دەي شارا وتەدى. مەكتەپكە دەيىنگى مەكەمەلەردەن باستاپ مەكتەپتەردە، ورتا ارناۋلى وقۋ ورىندارىندا جانە جوعارى وقۋ ورىندارىندا، مەكەمەلەردە، تەاترلاردا اباي وقۋلارى، پوەزيا كەشتەرى، كىتاپ كورمەلەرى، اباي جولى قويىلىمدارى، تاريحي تانىمدىق ساياحاتتار، جاس اقىندار پوەزيالىق كەشتەرى، اباي اندەرى كەشى، اقىندار ايتىسى، تاربيە ساعاتتارى جانە ۇكىمەتتىك ەمەس ۇيىمدارمەن بىرلەسكەن ءىس- شارالار ۇيىمداستىرىلادى. سونىمەن قاتار قالانىڭ ءىرى ساۋدا ورىندارىندا، ساياباقتارعا، ايالدامالاردا جانە ادامدار كوپ شوعىرلاناتىن ورىنداردا ابايدىڭ قارا سوزدەرى مەن ولەڭدەرى اۋديو فورماتتا تاراتىلىپ، قالانىڭ كورىكتى جەرلەرىندەگى تاقتايشالارعا ۇلى تۇلعالاردىڭ اباي تۋرالى ايتقان قاناتتى سوزدەرى ورنالاستىرىلادى.

«ابايدىڭ مەرەيتويىنا وراي وتەتىن شارالاردىڭ ماڭىزدىسى - قازان ايىنا جوسپارلانىپ، رەسپۋبليكالىق جوسپارعا ەنگەن «اباي جانە رۋحاني جاڭعىرۋ ماسەلەلەرى« اتتى حالىقارالىق عىلىمي- تاجىريبەلىك كونفەرەنتسيا. بۇل شاراعا ەلىمىزدەن بولەك اباي تانۋ سالاسىنا ەڭبەك سىڭىرگەن عالىمدار، ونىڭ ىشىندە گەرمانيانىڭ گەتە ينستيتۋتىنان، تۇركيادان، موڭعوليادان، قىتايدان، امەريكادان جانە كانادادان، تاتارستان مەن ازەربايجان سىندى وزگە دە مەملەكەتتەردەن ابايدىڭ شىعارماشىلىعى مەن ءومىر جولىن زەرتتەپ جۇرگەن زيالىلار قاتىسادى دەپ جوسپارلانعان» ، - تىلەۋعالي قىشقاشبايەۆ.

سوڭعى جاڭالىقتار