ەلوردادا ەگىزدەرگە ءبىر بالاباقشاعا ورىن تاڭداپ بەرەتىن جۇيە ىسكە قوسىلدى

نۇر- سۇلتان. قازاقپارات - ەلوردا اكىمدىگى ەگىز بالا ءۇشىن بالاباقشاعا ورىن الۋعا «پاكەتتىك» رەجىمدى ىسكە قوستى، دەپ حابارلايدى قازاقپارات قالا اكىمىنىڭ ورىنباسارى ماليكا بەكتۇروۆاعاسىلتەمە جاساپ.

«اتا- انالار بىزگە بالاباقشاعا بارۋداعى كەيبىر پروبلەمالاردى انىقتاۋعا كومەكتەستى. سولاردىڭ ءبىرى ەگىز بالالارعا ارنالعان ورىندار بولاتىن. بۇرىن ەگىزدەرگە ورىندى جەكە- جەكە ىزدەۋ كەرەك بولاتىن. سوندىقتان ءبىر بالاباقشاعا جانە ءبىر توپقا جولداما الۋ مۇمكىن بولمادى. ەندى، ەگەر ءسىزدىڭ جەكە كابينەتىڭىزدە ەگىز بالانىڭ كەزەكتە تۇرۋ بويىنشا بىرنەشە ءوتىنىش بولسا، جۇيە ونى انىقتاۋعا كومەكتەسەدى»، - دەيدى م. بەكتۇروۆا.

اتاپ ايتقاندا، e.astana.kz سايتىندا بالالارىڭىزدىڭ بىرىنە جولدامانى راسىمدەيسىز، ال باعدارلاما ەگىزدىڭ ەكىنشىسىنە ورىن تابۋعا كومەكتەسەدى.

بۇل قالاي جۇمىس ىستەيدى؟

• بىرىنشىدەن، باعدارلاما سول توپتا ورىن تابۋعا تىرىسادى.

• ەگەر ول بولماي قالسا، جۇيە باسقا توپتاردا دا ىزدەپ كورەدى.

• ەگەر ورىندار جەتكىلىكسىز بولسا، وندا ىزدەۋ ناتيجەسى ءساتسىز بولعاندىعى تۋرالى مالىمەت بەرىلەدى.

• ەگەر ءوتىنىش بەرۋشى جۇيە تاڭداعان ورىندارعا قاناعاتتانسا، وندا ول تاڭداۋدى راستايدى نەمەسە ودان باس تارتا الادى. راستاعان جاعدايدا «جولدامانى الۋ» تۇيمەسى باسىلىپ، جۇيە ەگىزدەرگە دەرەۋ جولداما بەرەدى.

اۆتور رۋسلان عابباسوۆ