الماتىدا بەلگىلى قالامگەر ءسابيت دوسانوۆتىڭ مەرەيتويى اتالىپ ءوتتى

None
None
الماتى. قازاقپارات - بەلگىلى جازۋشى، قازاقستان رەسپۋبليكاسىنا ەڭبەك سىڭىرگەن قايراتكەر ءسابيت دوسانوۆ - 80 جاستا. قالامگەردىڭ مەرەيتويى بۇگىن الماتىدا اتالىپ ءوتتى، دەپ حابارلايدى قازاقپارات ءتىلشىسى.

ق ر مەملەكەتتىك سىيلىعىنىڭ لاۋرەاتى، «الاش» ، رەسەيدىڭ شولوحوۆ اتىنداعى حالىقارالىق سىيلىعىنىڭ، «پاراسات» وردەنىنىڭ يەگەرى، پروفەسسور ءسابيت دوسانوۆ سەكسەننىڭ سەڭگىرىنە شىقتى.


جازۋشىنىڭ قۇرمەتىنە ارنالعان شىعارماشىلىق كەش اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا ءوتتى. كەشكە زيالى قاۋىم وكىلدەرى، الماتى قالاسىنىڭ اكىمى، جازۋشىنىڭ شەتەلدەگى قالامداس دوستارى كەلدى.

سالتاناتتى جيىندا الماتى قالاسىنىڭ اكىمى باقىتجان ساعىنتايەۆ قۇتتىقتاۋ ءسوز سويلەدى. ول مەملەكەت باسشىسى قاسىم- جومارت توقايەۆ پەن ەلباسى نۇرسۇلتان نازاربايەۆتىڭ جولداعان قۇتتىقتاۋىن وقىپ بەردى.


«قۇرمەتتى ءسابيت ايتمۇحان ۇلى! ءسىزدى 80 جاسقا تولعان مەرەيتويىڭىزبەن قۇتتىقتايمىن! حالقىمىز ءوزىڭىزدى قارىمدى قالامگەر، قوعامدىق- ساياسي ماڭىزدى وقيعالارعا وي- پىكىرىن ءبىلدىرىپ وتىراتىن قايراتكەر رەتىندە جاقسى بىلەدى. ۇزاق جىلعى شىعارماشىلىق ەڭبەگىڭىز ءوز جەمىسىن بەرىپ كەلەدى. ءسىزدىڭ قالامىڭىزدان شىققان كوركەم دۇنيەلەر بۇگىنگى زامانمەن ۇندەستىك تاۋىپ، عاسىرلار توعىسىنداعى كوكەيكەستى ماسەلەلەردى كوتەرۋىمەن ەرەكشەلەنەدى. الداعى ۋاقىتتا دا وقىرماندارىڭىزدى تارتىمدى تۋىندىلارىڭىزبەن قۋانتا بەرۋىڭىزگە تىلەكتەستىگىمدى بىلدىرەمىن. سىزگە زور دەنساۋلىق، اۋلەتىڭىزگە اماندىق پەن قۇت- بەرەكە تىلەيمىن» ، - دەلىنگەن پرەزيدەنت قاسىم- جومارت توقايەۆ جولداعان جەدەلحاتتا.

ەلباسى نۇرسۇلتان نازاربايەۆتىڭ قۇتتىقتاۋ حاتىندا جازۋشىنىڭ وقىرماندار ءىلتيپاتى مەن قۇرمەتىنە بولەنىپ، كەڭ تىنىستى كەسەك تۋىندىلارىنىڭ ۇلتتىق ادەبيەتتىڭ، سونىڭ ىشىندە كوركەم پروزانىڭ وركەندەپ، ءورىسىنىڭ كەڭەيۋىنە ەلەۋلى ۇلەس قوسقانى ايتىلادى.


سونىمەن قاتار، ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين مەن ق ر مادەنيەت جانە سپورت ءمينيسترى اقتوتى رايىمقۇلوۆا قۇتتىقتاۋ حات جولدادى.

سونداي- اق، جازۋشىعا رەسسەي، وزبەكستان، ارمەنيا، ازەربايجان، تۇرىك، قىرعىزستان ەلدەرىنەن ارنايى كەلگەن بەلگىلى جازۋشىلار مەن جۋرناليستەر جىلى لەبىز ءبىلدىردى.

ءسابيت دوسانوۆتىڭ «ەكىنشى ءومىر» ، «جيىرماسىنشى عاسىر» روماندارىنا وقىرمان قاۋىم جوعارى باعاسىن بەرگەن. «جەر تاعدىرى» ، «سەكسەن بەستىڭ كوكتەمى» ، «اداسپاڭدار ادامدار» ، «توتەم پود چادروي» ، «تەنزور ستەننوگو كۋرگانا» ، «سىڭسىپ ۇشقان سىڭار اققۋ» شىعارمالارى جازۋشىنى ءومىردىڭ وزەكتى ماسەلەلەرىن كوتەرگەن، وتكىر كوركەم ءسوز شەبەرى رەتىندە تانىتتى. جازۋشىنىڭ دراماتۋرگيا سالاسىندا دا ەلەۋلى ەڭبەكتەرى بار. ماسەلەن، «داۋىل» ، «ەرتەڭ بيۋرو» ، «توزاڭ شەڭبەرى» پەسالارى ەل تەاترلارىندا ساحنالانىپ ءجۇر. قازىرگى قازاق ادەبيەتىنىڭ دامۋىنا ەلەۋلى ۇلەس قوسقان دوسانوۆتىڭ تۋىندىلارى شەت ەلدەردە دە لايىقتى باعاسىن الۋدا.


دوسانوۆ 1940 -جىلى 12- قاڭتاردا قوستاناي وبلىسى، امانگەلدى اۋدانى، بايعابىل اۋىلىندا تۋعان. ءال- فارابي اتىنداعى قازاق ۇلتتىق ۋنيۆەرسيتەتىن بىتىرگەن. ەڭبەك جولىن رەسپۋبليكالىق گازەت- جۋرنالداردان باستاعان.

1985 - 1989 -جىلدارى ك س ر و ادەبيەت قورىنىڭ قازاق بولىمشەسىندە ديرەكتور،

1991 - 1995 -جىلدارى رەسپۋبليكالىق حالىق شىعارماشىلىعى جانە مادەني قىزمەت كورسەتۋ ورتالىعىنىڭ باس ديرەكتورى،

1996 - 1997 -جىلدارى «قاينار» باسپاسىنىڭ باس رەداكتورى قىزمەتتەرىن اتقاردى.

شىعارماشىلىق كەش كونسەرتتىك باعدارلاماعا ۇلاستى.



سوڭعى جاڭالىقتار