+7 (701) 759 90 19
-1 °С : نۇر-سۇلتان
7 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

پاۆلوداردا «اباي ءار ءۇيدىڭ تورىندە» كىتاپ سىيلاۋ اكسياسى باستالدى

20 قاڭتار 17:45
:ءبولىسۋ
پاۆلوداردا «اباي ءار ءۇيدىڭ تورىندە» كىتاپ سىيلاۋ اكسياسى باستالدى

نۇر-سۇلتان. قازاقپارات - س. تورايعىروۆ اتىنداعى پاۆلودار وبلىستىق امبەباپ عىلىمي كىتاپحاناسى «اباي ءار ءۇيدىڭ تورىندە» كىتاپ سىيلاۋ اكسياسىن باستادى.

اتالعان شارا قازاقتىڭ ۇلى ويشىلى، فيلوسوف، اقىن، اعارتۋشى اباي قۇنانباي ۇلىنىڭ تۋعانىنا 175 جىل تولۋىنا وراي اقىننىڭ مەرەيتويىن كەڭ كولەمدە اتاپ ءوتۋ ماقساتىندا ۇيىمداستىرىلۋدا. اكسيا اياسىندا قوعامدىق ورىنداردا قالا تۇرعىندارى مەن قوناقتارى اراسىندا كەمەڭگەر تۇلعا تۋرالى ساۋالنامالار جۇرگىزىلۋدە. سونداي- اق شارا بارىسىندا اباي شىعارمالارى، سونىڭ ىشىندە ولەڭدەرى مەن قارا سوزدەرىن مانەرلەپ وقىعان، كومپوزيتوردىڭ اندەرىن ناقىشىنا كەلتىرە شىرقاعان قالا تۇرعىندارى مەن قوناقتارىنا ابايدىڭ كىتاپتارى سىيعا بەرىلدى.

اكسيانىڭ العاشقى شاراسى پاۆلودار قالاسىنداعى «Batyr mall» ساۋدا جانە ويىن- ساۋىق ورتالىعىندا ءوتتى. ەڭ العاشقى بولىپ ساۋالناماعا جاۋاپ بەرۋشى - پاۆلودار مەملەكەتتىك پەداگوگيكالىق ۋنيۆەرسيتەتىنىڭ 2-كۋرس ستۋدەنتى ءدىلناز كارىموۆا اقىننىڭ «جاسىمدا عىلىم بار دەپ ەسكەرمەدىم» ولەڭىن مانەرلەپ وقىپ بەردى.

- مەن اباي اتامىزدىڭ بىرنەشە ولەڭىن جاتقا بىلەمىن. قازاقتىڭ باسقا دا كلاسسيك قالامگەرلەرىن ءسۇيىپ وقيمىن. سونىڭ ىشىندە اباي اتامىزدىڭ ورنى بولەك. تاۋ تۇلعانىڭ شىعارمالارىن ءار قازاق ءبىلۋى ءتيىس. ول ۇلتىمىزدىڭ تەمىرقازىعى، - دەدى ءدىلناز كارىموۆا.

كىتاپحانا باسشىسىنىڭ ورىنباسارى بارشاگۇل بايجانوۆا ساۋدا ورتالىعىندا اينالاسى ءبىر ساعاتتىڭ ىشىندە 20 شاقتى كىتاپ سىيعا تارتىلعانىن ايتتى.

- بۇگىن اكسيامىزدىڭ العاشقى كۇنى. ساۋدا ۇيىندە شاراعا قاتىسۋشىلاردىڭ سانى كوپ بولدى. كوبىسى اقىننىڭ ولەڭدەرىن وقۋدا. كەيبىر قاتىسۋشىلار ابايدىڭ اندەرىن ورىندادى. جالپى، جاۋاپ بەرگەندەردىڭ باسىم بولىگى جاستار. جاس بۋىننىڭ اباي شىعارماشىلىعىن بىلگەنى كوڭىل قۋانتادى. بۇل اكسيانىڭ استارىندا ۇلكەن ءمان بار. ۇلى ويشىلدىڭ كىتابى ءار ءۇيدىڭ تورىندە تۇرۋى ءتيىس، - دەدى بارشاگۇل بالتاعۇل قىزى.

ايتا كەتەيىك، «اباي ءار ءۇيدىڭ تورىندە» اكسياسى جىل سوڭىنا دەيىن جالعاسىن تاپپاق. اكسيا قوعامدىق ورىنداردا ۇيىمداستىرىلاتىن بولادى. كىتاپحانا ۇجىمى اباي شىعارماشىلىعىن كوپشىلىك اراسىندا ناسيحاتتاۋ ماقساتىندا ءبىرقاتار تىڭ جوبالاردى ازىرلەۋدە. سونىڭ ءبىرى برايل قارپى بويىنشا كوزى كورمەيتىن جانە ناشار كورەتىن وقىرماندارعا ارنالعان اباي ولەڭدەرىنىڭ توپتاماسى. اتالعان جوبا بويىنشا بۇگىندە وبلىستىق كىتاپحانادا قىزۋ جۇمىس جۇرگىزىلۋدە. بۇدان دا باسقا ابايدىڭ 175 جىلدىعىنا ارنالعان قىزىقتى جوبالار كىتاپحانا وقىرماندارى مەن ەرتىس- بايان ءوڭىرىنىڭ تۇرعىندارىنا الداعى ۋاقىتتا ۇسىنىلاتىن بولادى.



باستى سوزدەر: ايماق, ابايدىڭ 175 جىلدىعى,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات