+7 (701) 759 90 19
-1 °С : نۇر-سۇلتان
10 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

ارحيمەد مۇحامبەتوۆ: كاسىپكەرلەرگە قىسىم جاسالماۋى ءتيىس

20 قاڭتار 15:39
:ءبولىسۋ

قوستاناي. قازاقپارات - قوستاناي وبلىسىنىڭ اكىمى ارحيمەد مۇحامبەتوۆ اپپارات ماجىلىسىندە اۋدان اكىمدەرىنە ەسكەرتۋ جاسادى، دەپ حابارلايدى قازاقپارات.

2019 -جىلى قوستاناي وبلىسىنىڭ ەكى اۋدانىندا ءوندىرىس كولەمى ازايعان. اسىرەسە، دەنيسوۆ جانە ناۋىرزىم اۋداندارىنىڭ كورسەتكىشتەرى كوڭىل كونشىتپەيدى. ءونىم ءوندىرۋ كولەمى مەن ينۆەستيتسيا تارتۋ قارقىنى كەمىگەن. الايدا، ناتيجەلەرى تومەن ءوڭىردىڭ باسشىلارى بۇنىڭ وزىندىك سەبەپتەرىن ايتتى.

«ەگىننىڭ شىقپاي قالۋىنىڭ كەسىرىنەن جوسپارىمىز جۇزەگە اسقان جوق. بىلتىر ەت پەن ۇن باعاسىنىڭ تومەندەۋى ەكونوميكاعا اسەر ەتتى. ءوندىرىس ءونىمىنىڭ كورسەتكىشى 2 ميلليارد 493 ميلليون تەڭگەنى قۇرادى. بۇل وبلىس ناتيجەسىنىڭ 0,2 پايىزىنا جەتەدى. اۋدانداعى الەۋەتتى دەگەن «قوستاناي ترەيد» ەت وڭدەۋ كاسىپورنىنىڭ يەسى اۋىسىپ كەتتى. وسىنداي سەبەپتەردىڭ اسەرىنەن جالپى كورسەتكىشىمىز تومەندەدى» ، - دەپ باياندادى اۋدان اكىمى ب. نۇرعاليەۆ.

مۇنداي جاعداي ناۋىرزىم اۋدانىندا دا قايتالانىپ وتىر. ەگىننىڭ جالپى ءتۇسىمى 116,2 مىڭ تونناعا ازايعان.

«تۇرعىن ءۇي سالۋعا ەگىننىڭ قانداي قاتىسى بار؟ جۇمىس جۇيەلى جۇرگىزىلمەگەن. كاسىپكەرلەرمەن ناقتى جۇمىس جۇرگىزىلمەيدى. كەرىسىنشە، ارىز- شاعىم ايتۋشىلار كوبەيگەن. ولارعا قىسىم جاساعانشا، كومەكتەسۋ كەرەك. جۇمىس دۇرىس جولعا قويىلماعان. كورسەتكىشتەرىڭىز كوڭىل كونشىتپەيدى. اۋدان باسشىلارىنىڭ وزدەرى ەشقانداي باستاما كوتەرمەيدى، جۇكتەلگەن تاپسىرمالار دا ورىندالماعان. ناۋىرزىمدا نەگىزگى كاپيتالعا سالىنعان ينۆەستيتسيا (جەكە يندەكس كولەمى %83) اۋداندار بويىنشا سوڭعى ورىندا تۇر. قۇرىلىس جۇمىستارىنىڭ كولەمى %73 تەن اسپايدى. بۇل دا ەڭ تومەنگى ناتيجە. وڭىرلەردە «ەڭبەك» باعدارلاماسى بويىنشا جۇمىستاردى جانداندىرۋ قاجەت. ينۆەستيتسيا تارتۋ ماسەلەسىنە قاتتى كوڭىل بولگەن ءجون. وسىلايشا بيۋدجەتتەن شىعاتىن شىعىندى ازايتقان ءجون» ، - دەپ ەسكەرتۋ جاسادى ا. مۇحامبەتوۆ اۋدان اكىمدەرىنە.

جالپى رەسپۋبليكالىق كورسەتكىش بويىنشا، 2019 -جىلى قوستاناي وبلىسى ءونىم ءوندىرۋ كولەمى بويىنشا الدىڭعى ورىندا تۇر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات