12:43, 20 - قاڭتار 2020 | GMT +6
پرەزيدەنت قاسكويدىڭ قولىنان قازا تاپقان پوليتسەيدى «ايبىن» وردەنىمەن ماراپاتتادى
نۇر-سۇلتان. قازاقپارات - قىزمەتتىك بورىشىن اتقارۋ ۇستىندە كوز جۇمعان قوستاناي وبلىسى پوليتسيا دەپارتامەنتى قوستاناي اۋدانى پوليتسيا ءبولىمىنىڭ پوليتسەيى دارحان بازاربايەۆ Ⅲ دارەجەلى «ايبىن» وردەنىمەن ناگرادتالدى، دەپ حابارلايدى اقوردا.
«قىزمەتتىك بورىشىن اتقارۋ ۇستىندە كورسەتكەن ەرلىگى مەن جانقيارلىعى ءۇشىن ىشكى ىستەر مينيسترلىگى قوستاناي وبلىسى پوليتسيا دەپارتامەنتى قوستاناي اۋدانى پوليتسيا ءبولىمىنىڭ پوليتسەيى دارحان سەرىك ۇلى بازاربايەۆ Ⅲ دارەجەلى «ايبىن» وردەنىمەن ناگرادتالسىن (مارقۇم)»، - دەلىنگەن ق ر پرەزيدەنتى قاسىم-جومارت توقايەۆتىڭ جارلىعىندا.
ەسكە سالساق، دارحان بازاربايەۆ 19- قاڭتار كۇنى قىزمەتتىك مىندەتىن اتقارۋ كەزىندە قاسكويدىڭ قولىنان مەرت بولدى. قوستانايدا مەرت بولعان پوليتسەيدىڭ ارتىندا 4 ايلىق ءسابيى قالدى .