+7 (701) 759 90 19
-1 °С : نۇر-سۇلتان
7 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

قازاقستاندا ءتىرى مالدى ەكسپورتتاۋعا تىيىم سالىندى

20 قاڭتار 12:26
:ءبولىسۋ
قازاقستاندا ءتىرى مالدى ەكسپورتتاۋعا تىيىم سالىندى

نۇر-سۇلتان. قازاقپارات - قازاقستاندا ءتىرى مالدىڭ ەكسپورتىنا تىيىم سالىندى، دەپ حابارلايدى قازاقپارات ق ر اۋىل شارۋاشىلىعى مينيسترلىگىنە سىلتەمە جاساپ.

وتكەن جىلى قازاقستاننان شەتەلگە 156 مىڭ باس ءىرى قارا مال شىعارىلدى. بۇل رەتتە، باسىم كوپشىلىگى - 121,6 مىڭ باس نەمەسە %78 وزبەكستان رەسپۋبليكاسىنا، تاعى %14 ارمەنيا ەلىنە ەكسپورتتالعان.

سونداي-اق، ەلدەن 264 مىڭ باس قوي شىعارىلعان، ونىڭ جارتىسىنان استامى انالىق مال. ۇساق ءمۇيىزدى مالدىڭ باسىم بولىگى، ياعني 200 مىڭنان استامى (%76) وزبەكستان مەملەكەتىنە، 21,5 مىڭ باس (%8,1) رەسەي فەدەراتسياسىنا، 18 مىڭ باس (%6,7) ازەربايجانعا جانە شامامەن 12 مىڭ باس (%4,5) يرانعا تاسىمالدانعان.

«ءتىرى مالدىڭ جاپپاي ەكسپورتى ەت ونىمدەرىنە باعانىڭ وسۋىنە نەگىز بولدى. سونىمەن قاتار، قالىپتاسقان جاعداي قازاقستاندىق ەت وڭدەۋ كاسىپورىندارى مەن بورداقىلاۋ الاڭدارىنىڭ جۇكتەمەسىنىڭ تومەندەۋىنە الىپ كەلدى. ورتاشا العاندا، 2019-جىلى قازاقستاندىق ەت وڭدەۋ كاسىپورىندارى ءوز قۋاتىن تولىق پايدالانا الماعان. ولاردىڭ تولىق جۇمىس ىستەمەۋىنىڭ نەگىزگى سەبەبى ءتىرى مالدىڭ جاپپاي ەكسپورتىنىڭ سالدارىنان شيكىزات تاپشىلىعى بولدى.

ا و ك دامىتۋدىڭ 2017-2021-جىلدارعا ارنالعان مەملەكەتتىك باعدارلاماسىنا سايكەس، ق ر ا ش م- دا قايتا وڭدەلگەن ءونىم ەكسپورتىن 2,5 ەسەگە ارتتىرۋ مىندەتى تۇر. وسىعان بايلانىستى، بورداقىلاۋ الاڭدارى مەن ەت كومبيناتتارىنىڭ وتىنىشتەرىنە سايكەس ق ر اۋىل شارۋاشىلىعى جانە ق ر قارجى مينيسترلىكتەرىنىڭ 2019-جىلعى 21- قازانداعى «اۋىل شارۋاشىلىعى جانۋارلارىن شىعارۋداعى كەيبىر ماسەلەلەر تۋرالى» بىرلەسكەن بۇيرىعىنا وزگەرىستەر ەنگىزۋ تۋرالى شەشىم قابىلداندى. ايتا كەتسەك، اتالمىش بۇيرىق تەك انالىق مال باسىنىڭ ەكسپورتىن ۋاقىتشا شەكتەيتىن. بۇل وزگەرىستەر بارلىق ءىرى قارا مال مەن ۇساق ءمۇيىزدى مالدىڭ جىنىستىق-جاستىق توپتارى بويىنشا تىرىدەي باسىن وزگە ەلدەرگە شىعارۋعا (ەكسپورتتاۋعا) تولىق تىيىم سالادى»، - دەلىنگەن ا ق ش مالىمەتىندە.

اتاپ وتىلگەندەي، قۇجاتتىڭ جوباسى سالالىق ساراپتاما ۇيىمدارىمەن جانە وبلىس اكىمدىكتەرىمەن كەلىسىلگەن جانە «اتامەكەن» ۇ ك پ وڭ قورىتىندىسى الىنعان. سونداي-اق سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ ماقۇلداۋىنا يە بولدى. قازىرگى ۋاقىتتا مۇددەلى مەملەكەتتىك ورگاندارمەن كەلىسىم جاسالۋدا.

«اتالعان بۇيرىققا وزگەرىستەر ەنگىزۋ تاياۋ جىلدارى قازاقستاندا مال باسىن ساقتاپ، ۇلعايتۋعا، وتاندىق ەت كومبيناتتارىن قولايلى باعامەن ساپالى شيكىزاتپەن قامتاماسىز ەتۋگە جانە دايىن وڭدەلگەن ءونىمنىڭ ءوندىرىسى مەن ەكسپورتىن ارتتىرۋعا مۇمكىندىك بەرەدى»، - دەدى مينيسترلىكتەن.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات