الەمدەگى ەڭ باي ادامدار تىزىمىندەگى كوشباسشى وزگەردى

نۇر-سۇلتان. قازاقپارات - Amazon كومپانياسىنىڭ نەگىزىن قالاۋشى دجەفف بەزوس الەمدەگى ەڭ باي ادام ستاتۋسىنان ايىرىلدى.

ونىڭ ورنىن Louis Vuitton جانە Dior يەسى بەرنار ارنو باستى، دەپ حابارلايدى قازاقپارات Forbes باسىلىمىنا سىلتەمە جاساپ.

LVMH حولدينگى باسشىسى مەن Louis Vuitton, Hennessy, Christian Dior برەندتەرى يەسىنىڭ بايلىعى $116,5 ميللياردقا باعالانىپ وتىر.

ەكىنشى ورىندا - امەريكالىق بيزنەسمەن دجەفف بەزوس. ول بۇعان دەيىن عالامشارداعى ەڭ باي ادام ($115,6 ميلليارد) بولعان. ال ءۇشىنشى ورىنعا ونىڭ وتانداسى بيلل گەيتس ($110,6 ميلليارد) جايعاستى.

ءىرى ميللياردەرلەردىڭ العاشقى بەستىگىنە امەريكالىق ۋوررەن باففەتت ($90,6 ميلليارد) پەن مارك تسۋكەربەرگ ($82,2 ميلليارد) كىردى.