قىتايداعى جاڭا ۆيرۋستى جۇقتىرعانداردىڭ ناقتى سانى قانشا - الەمدىك باسپا سوزگە شولۋ

None
None
نۇر-سۇلتان. قازاقپارات - «قازاقپارات» ح ا ا ادەتتەگىدەي نازارلارىڭىزعا الەمدىك باسپا سوزگە شولۋىن ۇسىنادى.

اۋسترالياداعى ءورت: ۆيكتوريادا سۋ تاسقىنى بولۋى مۇمكىن - BBC

سينوپتيكتەر اۋسترالياداعى ۆيكتوريا شتاتىندا قاتتى داۋىل سوعىپ، سۋ تاسۋى مۇمكىن ەكەنىن ەسكەرتتى، دەپ حابارلايدى BBC.

«جاقىندا جاۋعان جاڭبىر مەملەكەتتەگى ورمان ءورتىن السىرەتتى، دەگەنمەن، ەلەكتر جارىعىنىڭ ءسونۋى مەن جولداردىڭ جابىلۋىنا الىپ كەلدى. قىركۇيەكتە باستالعان ورتتەن كەمىندە 28 ادام قازا تاپتى»، دەپ جازادى باسىلىم.

اۆتوردىڭ ايتۋىنشا، جاڭبىر ءورتتى باسەڭدەتكەندىكتەن، پرەمەر-مينيستر سكوتت مورريسون تۋريزمدى دامىتۋ ءۇشىن 76 ميلليون ا ق ش دوللارىن بولەتىنىن مالىمدەدى. ال تۋريزم يندۋسترياسى كەڭەسىنىڭ مالىمەتىنشە، بۇل سالا 1 ميلليارد دوللار شىعىن كەلتىرگەن. ال جىل سوڭىنا دەيىن شىعىن 4,5 ميلليارد دوللارعا جەتۋى مۇمكىن.

«ۆيكتوريانىڭ مەتەورولوگيالىق بيۋروسى شتاتتا قاتتى داۋىل سوعىپ، جاڭبىر جاۋاتىنىن حابارلادى. سينوپتيكتەر سوڭعى ەكى ايداعى ەڭ قاتتى جاڭبىر جاۋاتىنىن بولجاپ وتىر»، دەپ جازادى اۆتور.

زىمىران قاعىپ تۇسىرگەن جولاۋشى ۇشاقتارى تاريحتا بولدى ما؟ - Stern

گەرمانيانىڭ Stern جۋرنالى يراندا زىمىران اتىپ تۇسىرگەن اۆيالاينەر وقيعاسىنان كەيىن اسكەريلەردىڭ ازاماتتىق ۇشاقتاردى اتىپ تۇسىرگەن ساتتەرىن ەسكە الدى. اۆتوردىڭ ايتۋىنشا، مۇنداي وقيعالار بۇعان دەيىن دە بولعان جانە وعان قاتە ءتۇسىنۋ، كوممۋنيكاتسيانىڭ جەتپەۋى اسەر ەتكەن.

«2014-جىلدىڭ 17- شىلدەسىندە ۋكراينانىڭ شىعىسىندا وسى ەلدىڭ اسكەرى امستەردامنان كۋالا لۋمپۋرعا باعىت العان Malaysia Airlines اۋە كومپانياسىنىڭ «بوينگ 777» ۇشاعىن اتىپ ءتۇسىردى. وقيعادان 298 ادام قازا تاپتى. حالىقارالىق زەرتتەۋ كورسەتكەندەي، زىمىران رەسەيدىڭ وڭتۇستىك-باتىسىنداعى كۋرسكتان اتىلعان. دەگەنمەن، رەسەي مەن سەپاراتيستەر اپاتقا قاتىسى جوق ەكەنىن مالىمدەدى»، دەپ جازادى باسىلىم.

اۆتوردىڭ ايتۋىنشا، 2001-جىلى 4- قازاندا رەسەيدىڭ «سيبير» اۋە كومپانياسىنىڭ تۋ-154 لاينەرىن دە زىمىران اتىپ تۇسىرگەن. 78 ادام قازا تاپقان. اپاتتان ءبىر اپتا وتكەن سوڭ ۋكراينا ۇشاقتى ابايسىزدا اتىپ تۇسىرگەنىن مويىندادى.

«1988-جىلى 3- شىلدەدە پارسى شىعاناعىندا دا يران ۇشاعى اپاتقا ۇشىراپ، 290 ادام قازا تاپتى. يراننىڭ بەندەر-ابباس اۋەجايىنان دۋبايعا باعىت العان «اەروبۋس ا300» 28 مينۋتقا سوزىلعان رەيسىنىڭ العاشقى مينۋتتارىندا اپاتقا ۇشىراعان. ۇشاقتى امەريكالىق كرەيسەردەن شىعارىلعان ەكى زىمىران اتىپ تۇسىرگەن»، دەپ جازادى باسىلىم.

قىتايداعى جاڭا ۆيرۋستى جۇقتىرعانداردىڭ ناقتى سانى بەلگىلى بولدى - CNN

عالىمدار قىتايداعى جاڭا ۆيرۋستى جۇقتىرعانداردىڭ ناقتى سانىن اتادى، دەپ جازادى CNN.

«قىتايدىڭ ۋحان قالاسىنىڭ بيلىگى جاڭا ۆيرۋستان ەكى ادامنىڭ قازا تاپقانىن، 45 ادامنىڭ ۆيرۋس جۇقتىرعانىن مالىمدەدى. دەگەنمەن، لوندوندا جۇرگىزىلگەن زەرتتەۋ ناتيجەلەرى جاڭا ۆيرۋستى جۇقتىرعاندار سانى 1- قاڭتاردا 1723 ادامعا جەتكەنىن حابارلادى»، دەپ جازادى اگەنتتىك.

سونىمەن قاتار عالىمدار ۆيرۋس ادامنان ادامعا جۇعۋى مۇمكىن ەكەنىن دە انىقتاعان.

ا ق ش- قا بىلتىر ۋحاننان 60 مىڭ ادام بارعان، سول سەبەپتى امەريكا ءۇش اۋەجايدا باقىلاۋدى كۇشەيتتى.

گارري مەن مەگان قازىناعا شامامەن 2,5 ميلليون دوللار قايتارادى - The Guardian

ساسسەكس گەرتسوگى مەن گەرتسوگينياسى پاتشالىق تيتۋلدان باس تارتقاندىقتان، سالىق تولەۋشىلەردىڭ اقشاسىن قازىناعا قايتارۋى ءتيىس. بۇل - شامامەن 2,5 ميلليون دوللار، دەپ جازادى The Guardian.

كەشە انگليا پاتشايىمى گەرتسوگتىڭ شەشىمى باقىتقا تولى جاڭا ءومىردى باستاۋعا اسەر ەتەدى دەپ ۇمىتتەنەتىنىن ايتتى. سونىمەن قاتار ول مەگاننىڭ وتباسىنا تەز ءسىڭىپ كەتكەنىن ماقتان تۇتاتىنىن جەتكىزدى.

كوكتەمدە شىعاتىن جاڭا كەلىسىمشارت بويىنشا گارري مەن مەگان پاتشالىق مىندەتتەردەن تولىق بوساتىلادى. سونىمەن قاتار ولار پاتشالىق وتباسى جىل سايىن قازىنادان الىپ وتىراتىن 82,2 ميلليون دوللاردى دا المايتىن بولادى. دەگەنمەن، گارري ءوزى قۇرعان ءتۇرلى قايىرىمدىلىق قورلارىن قارجىلاندىرۋدان باس تارتپايدى.

ەستەرىڭىزگە سالا كەتسەك، 8- جەلتوقسان كۇنى گارري مەن مەگان پاتشالىق تيتۋلدان باس تارتىپ، قارجىلىق تاۋەلسىزدىكتى قالايتىنىن جەتكىزگەن ەدى.

ترامپ يمپيچمەنت ىسىنە قاتىستى ايىپتاردى مويىنداۋدان باس تارتتى - The New York Times

ترامپ يمپيچمەنت ىسىنە قاتىستى وزىنە تاعىلعان ايىپتاردى مويىنداۋدان باس تارتتى، دەپ جازادى The New York Times اق ءۇي جاريالاعان مالىمدەمەگە سىلتەمە جاساپ.

«ترامپ يمپيچمەنتتىڭ ەكى بابىنداعى ايىپتاۋلاردى دا مويىندامايدى»، دەپ جازىلعان قۇجاتتا. سونىمەن قاتار قۇجاتتا اتالعان سەبەپتەر بوىنشا سەنات يمپيچمەنتتى كەرى جىبەرۋ كەرەكتىگى دە اتاپ وتىلگەن.

دونالد ترامپتىڭ ادۆوكاتتارى يمپيچمەنتتى ا ق ش كونستيتۋتتسياسىنا قارسى پروتسەسس دەپ اتاعان ەدى.

ا ق ش كونگرەسى يمپيچمەنت ءىسىن 25- قىركۇيەك كۇنى باستادى. دونالد ترامپ ءوز قىزمەتىن اسىرا پايدالانىپ، كونگرەسس جۇمىسىنا كەدەرگى كەلتىردى دەپ ايىپتالىپ وتىر.

سوڭعى جاڭالىقتار