09:30, 20 - قاڭتار 2020 | GMT +6
شىنجاڭنىڭ وڭتۇستىگىندە بىرنەشە رەت جەر سىلكىندى
بەيجىڭ. قازاقپارات - قىتايدىڭ شىنجاڭ ۇيعىر اۆتونوميالىق اۋدانىندا ماگنيتۋداسى 6,4 بولاتىن جەر سىلكىنىسى تىركەلدى، دەپ حابارلايدى قازاقپارات.
CENC مالىمەتىنشە، جەراستى ءدۇمپۋى 19- قاڭتار كۇنى بەيجىڭ ۋاقىتىمەن ساعات 21:27 دە بولعان. ءزىلزالا وشاعى - قاشقار وكرۋگىنىڭ پايزاۆات اۋدانىندا. تەرەڭدىگى - 16 شاقىرىم.
زارداپ شەككەندەر مەن قيراعان عيماراتتار تۋرالى مالىمەت جوق.
اتالعان جەر سىلكىنىسىنەن كەيىن سەيسميكالىق دۇمپۋلەر قاشقار وكرۋگىنە كورشىلەس ورنالاسقان ش ۇ ا ا قىزىلسۋ-قىرعىز اۆتونوميالىق وبلىسىندا دا قايتالاندى. افتەرشوكتىڭ ماگنيتۋداسى - 3,2-5,2 ارالىعىندا.
سوڭعى ءدۇمپۋ بەيجىڭ ۋاقىتى بويىنشا ساعات 22:23 تە قىزىلسۋ-قىرعىز اۆتونوميالىق وبلىسىنىڭ اكىمشىلىك ورتالىعى - اتۋش قالاسىنا جاقىن ماڭدا بولدى. اتۋشتا 300 مىڭنان استام حالىق تۇرادى. ءزىلزالا وشاعى 14 شاقىرىم تەرەڭدىكتە جاتىر.