+7 (701) 759 90 19
-1 °С : نۇر-سۇلتان
7 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

عالىمدار يىستەردى تاريحتا قالدىرۋدىڭ جولىن ىزدەپ جاتىر

20 قاڭتار 10:32
:ءبولىسۋ
عالىمدار يىستەردى تاريحتا قالدىرۋدىڭ جولىن ىزدەپ جاتىر

نۇر-سۇلتان. قازاقپارات - قالاداعى كافەلەر مەن كىتاپ ءيىسى سەكىلدى كۇندەلىكتى ءومىردىڭ يىستەرى ءبىزدىڭ مادەنيەتىمىز بەن مۇرامىز جانە بۇلاردىڭ كوبى قازىر جوعالۋ الدىندا تۇر، دەپ جازادى BBC.

اۆتور كىتاپ سۇيەر قاۋىم ونىڭ ءيىسىن ەرەكشە جاقسى كورەتىنىن جانە بۇل ءيىس مادەني مۇرا بولا تۇرا، جوعالىپ كەتۋى مۇمكىن ەكەنىن، كەلەر ۇرپاققا جەتپەۋى ىقتيمال ەكەنىن جازادى. سونىمەن قاتار اۆتور يىستەر دە وزگەرەتىندىكتەن، ولاردى تاريحتا قالدىرۋدىڭ ماڭىزدى ەكەنىن ايتادى.

«كاليفورنيا ۋنيۆەرسيتەتىنىڭ مادەني مۇرا ينستيتۋتىنىڭ زەرتتەۋشىسى سەسسيليا بەمبيبرە «ءولىپ» قالعان يىستەردى قالپىنا كەلتىرەتىن جانە قازىرگى يىستەردى ساقتاپ، بولاشاق ۇرپاققا جەتكىزەتىن جولدى تابۋ ءۇشىن زەرتتەۋ جاساپ ءجۇر. ول ادامزاتتىڭ ءيىس سەزۋ مۇراسى دۇرىس زەرتتەلمەي جاتىر دەگەن ويدا»، دەپ جازادى باسىلىم.

2003-جىلى يۋنەسكو ماتەريالدى ەمەس مادەني مۇرانى قورعاۋ تۋرالى كونۆەنتسيا قابىلداعان ەدى. ول الەۋمەتتىك تاجىريبەنى، اۋىز ادەبيەتىن، ورىنداۋشىلىق ونەردى قامتيدى. ال يىستەر بۇل تىزىمگە كىرمەگەن. اۆتوردىڭ ايتۋىنشا، عاسىرلار بويى ءيىس ومىرلىك ماڭىزدى ءرول اتقاراتىن مادەني داستۇرلەر كوپ بولعان. 2018-جىلى فرانسيا، پاي دە گراستىڭ پارفيۋمەرياعا قاتىستى داعدىلارى تىزىمگە ەنگىزىلگەنىمەن، يىستەر تاعى دا تىس قالدى.

«باسقا مەملەكەتتەر ءيىستىڭ قۇندىلىعىن مويىندادى. 2001-جىلى جاپونياگىڭ قورشاعان ورتانى قورعاۋ ءمينيسترى مەملەكەتتەگى ەڭ حوش ءيىستى 100 ورىننىڭ ءتىزىمىن جاسادى. ال 2016-جىلى ىستانبۇلدا «حوش ءيىس جانە قالا» دەگەن كورمە ءوتتى. وندا 4 مىڭ جىلدىق وركەنيەتتى ءيىس ارقىلى زەرتتەۋگە نازار اۋدارىلعان»، دەپ جازادى اۆتور.

ال سەسسيليا بەمبيبرە قالالاردىڭ ءيىسىن ساقتاپ قالعىسى كەلەدى. سونىمەن قاتار ول يىستەردىڭ دە ارحيۆى بولۋى كەرەك دەگەن ويدا. ول وسى باعىتتاعى جۇمىسىن جالعاستىرا بەرمەك.



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات