+7 (701) 759 90 19
16 °С : نۇر-سۇلتان
20 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

نۇر-سۇلتاندا گاز بالونىن زاڭسىز پايدالانعاندار انىقتالدى

20 قاڭتار 08:51
:ءبولىسۋ
نۇر-سۇلتاندا گاز بالونىن زاڭسىز پايدالانعاندار انىقتالدى

نۇر-سۇلتان. قازاقپارات - ەلوردادا 2- قاباتتان جوعارى عيماراتتاردا گاز بالونىنىڭ زاڭعا سايكەس قولدانۋ جاعدايى تەكسەرىلدى.

بۇل تۋرالى نۇر-سۇلتان قالاسى قالالىق ورتا ساپاسى جانە باقىلاۋ باسقارماسىنىڭ باسپا ءسوز حاتشىسى دانا تۇرعىنوۆا قازاقپارات تىلشىسىنە بەرگەن سۇحباتىندا ايتىپ بەردى.

«قازاقستان رەسپۋبليكاسىنىڭ 2012-جىلعى 9- قاڭتارداعى 532№ «گاز جانە گازبەن جابدىقتاۋ تۋرالى» زاڭىنا سايكەس ەكى قاباتتان اساتىن كوپ پاتەرلى تۇرعىن ۇيلەردەگى تۇرمىستىق بالونداردا سۇيىتىلعان مۇناي گازىن ساقتاۋعا جانە (نەمەسە) پايدالانۋعا تىيىم سالىنادى. وسى ورايدا ءبىزدىڭ باسقارما پاتەر يەلەرىنىڭ كووپەراتيۆى (پ ي ك)، باسقارۋشى ۇيىمداردىڭ وكىلدەرىمەن بىرلەسىپ، تۇرمىستىق بالونداردا سۇيىتىلعان گازدى دۇرىس ءارى زاڭدى پايدالانۋدى ءتۇسىندىرۋ ماقساتىندا 556 وقىتۋ وتكىزىلدى. سونىڭ بارىسىندا ەكى قاباتتان جوعارى تۇرعىن ۇيلەر مەن عيماراتتاردا باللونداردى زاڭسىز پايدالانۋدىڭ 34 جاعدايى انىقتالىپ، جولى كەسىلدى»، - دەدى د. تۇرسىنوۆا.

ونىڭ ايتۋىنشا، بۇگىندە ەلوردادا 340 جيناقتاما رەزەرۆۋارلىق جانە 1400 جەر استىنداعى رەزەرۆۋارلىق قوندىرعى بار.

«سونداي-اق، تۇرعىن ءۇي اۋلالارى مەن كىرەبەرىسىندەگى سۇيىتىلعان گازدىڭ اعۋى مەن يىستەرىن بولدىرماۋ جانە جويۋ ماقساتىندا قالانىڭ اۆاريالىق قىزمەتتەرىمەن جانە 109 قىزمەتىمەن ءوزارا ءىس-قيمىل جاساۋ بويىنشا جۇمىستار جۇرگىزىلۋدە. ونىڭ بارىسىندا 245 باقىلاۋ، تەكسەرۋ شاراسى ۇيىمداستىرىلىپ، انىقتالعان سەبەپتەر جويىلدى»، - دەيدى ول.

اتالعان باسقارما بەرگەن مالىمەتكە سۇيەنسەك، 2019-جىلى قالا بويىنشا بارلىعى 1400 رەزەرۆۋارلىق قوندىرعى تەكسەرىلدى. ناتيجەسىندە «استانا گاز قىزمەت» ج ش س- نە ايقىندالعان ەسكەرتۋلەردى جويۋعا ارنالعان 340 انىقتاما بەرىلدى.


باستى سوزدەر: استانا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات