+7 (701) 759 90 19
-7 °С : نۇر-سۇلتان
-8 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

بۇگىن نۇر-سۇلتاندا حالىقارالىق قار كۇنى اتاپ وتىلەدى

19 قاڭتار 09:17
:ءبولىسۋ
بۇگىن نۇر-سۇلتاندا حالىقارالىق قار كۇنى اتاپ وتىلەدى

نۇر-سۇلتان. قازاقپارات - حالىقارالىق قار كۇنى مەرەكەسى بۇگىن، 19- قاڭتاردا ساعات 12.00-دە ەلورداداعى ورتالىق ساياباقتىڭ شاڭعى- روللەرلىك تراسساسىندا وتەدى.

ءىس-شارا اياسىندا 18 جاسقا دەيىنگى بالالار اراسىندا شاڭعى تەبۋدەن جارىس، سىرعاناقتار مەن وزگە دە ويىن-ساۋىق تۇرلەرى ۇيىمداستىرىلادى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

بۇل كۇن حالىقارالىق شاڭعى فەدەراتسياسىنىڭ (FIS) باستاماسى بويىنشا جىل سايىن قاڭتار ايىنىڭ ءۇشىنشى جەكسەنبىسىندە الەمنىڭ 40 تان استام ەلىندە تويلانادى. مەرەكە ماقساتى - ادامداردىڭ، اسىرەسە بالالاردىڭ قىسقى سپورت تۇرلەرىنە قىزىعۋشىلىعىن ارتتىرۋ. شارا ق ر شاڭعى جارىستارىنىڭ ۇلتتىق فەدەراتسياسى مەن قالا اكىمدىگى تاراپىنان ۇيىمداستىرىلدى.

«ءبىز ءۇشىن وسىنداي ءىس-شارالار وتە ماڭىزدى. سول ارقىلى بالالاردىڭ سپورتقا دەگەن سۇيىسپەنشىلىگى ارتىپ، ءاربىر بالاقاي ءوزىن ناعىز چەمپيون رەتىندە سەزىنەدى. ال ءبىز ءۇشىن بولاشاق چەمپيوندارىمىزدىڭ الەۋەتىن اشۋ، وعان سپورتتىڭ قىزىقتى، كوڭىلدى ەكەنىن كورسەتۋ پارىز. سەبەبى، سپورت تەك قۋانىش قانا ەمەس، دەنساۋلىق تا سىيلايدى»، - دەدى «ق ر شاڭعى جارىستارىنىڭ ۇلتتىق فەدەراتسياسى» ق ب ءبىرىنشى ۆيتسە-پرەزيدەنتى نيكيتا ديەۆياتكين.

جاس شاڭعىشىلار مەن جانكۇيەرلەردى كوڭىلدى جاتتىعۋلار، ديسكوتەكا، ويىن ستارتتارى، «باناندا» جانە «تيۋبينگتە» سىرعاناۋ كۇتۋدە. قاجەت بولعان جاعدايدا قاتىسۋشىلارعا سپورتتىق جابدىقتار (شاڭعى، اياق كيىم، تاياقشا) تەگىن بەرىلەدى.

«ارينە، ءبىز سەرىكتەستەرىمىزگە ريزامىز، ولاردىڭ قولداۋى وسىنداي ءىس-شارانى ۇيىمداستىرۋعا مۇمكىندىك بەردى. مەنىڭ ويىمشا، مەملەكەتتىك ورگاندار مەن مەن بيزنەستىڭ سپورتتىڭ دامۋىنا بىرگە ۇلەس قوسۋى جاقسى ۇلگى بولىپ تابىلادى. بۇل ارقىلى ءبىز بالالاردىڭ دامۋىنا جاعداي جاسايمىز. تەك دەنى ساۋ ءارى مىقتى ۇرپاق قانا گۇلدەنگەن قوعام قۇرا الادى»، - دەدى ەسىل اۋدانى اكىمىنىڭ ورىنباسارى دارمەنيار قىدىربەك ۇلى. جارىس قاتىسۋشىلارى جەتى جاس توبى بويىنشا بولىنەدى. ءاربىر توپ ءۇشىن شاڭعى تەبۋدىڭ وزىندىك قاشىقتىعى مەن ءپان ءتۇرى انىقتالادى. التى جانە ودان كىشى جاستاعى قاتىسۋشىلار شاڭعىمەن 120 مەتردى سىرعاناپ ءوتۋى ءتيىس، ال 16-18 جاس ارالىعىنداعى ۇلدار 5 شاقىرىمدى باعىندىرسا، قىزدار 3 شاقىرىمداعى قاشىقتىققا جارىساتىن بولادى. بارلىق قاتىسۋشىلاردا تىركەۋدەن ءوتۋ ءۇشىن جەكە باسىن كۋالاندىراتىن قۇجات بولۋى شارت. ءىس-شارا وتكىزىلەتىن اۋداندا شاڭعى قۇرالدارىن جالعا بەرۋ پۋنكتى جۇمىس ىستەيدى. جارىسقا شىڭعىمەن سىرعاناي الاتىن كەز كەلگەن ادام قاتىسا الادى.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات