15:15, 19 - قاڭتار 2020 | GMT +6
ەلوردانىڭ «بۇكىر كوپىرى» تەكسەرىلەدى
نۇر-سۇلتان. قازاقپارات - ەلوردا اكىمى التاي كولگىنوۆ جۇمىس ساپارى بارىسىندا قالاداعى ءبىرقاتار نىساندى ارالاپ، كۇردەلى جوندەۋ جۇمىستارىن جۇرگىزۋ ءۇشىن 2№ جول وتپەسىن («بۇكىر كوپىر») تەكسەرۋدى تاپسىردى، دەپ حابارلايدى قازاقپارات ءتىلشىسى.
نۇر-سۇلتان قالالىق قوعامدىق دامۋ ىستەرى باسقارماسىنىڭ مالىمەتىنشە، كۇردەلى جوندەۋ جۇمىستارىنا بايلانىستى بوگەنباي باتىر داڭعىلى بويىندا ش. ءۋاليحانوۆ كوشەسىنەن اقجول كوشەسىنە دەيىنگى ۋچاسكەدە قوزعالىس شەكتەلەدى. بۇل ۋچاسكەدە جولاقتار سانى بارلىق باعىتتا تورتتەن ەكىگە قىسقارادى. باعدار اۆتوبۋستارىن قوسپاعاندا كوپىر بولىگىنەن ش. ءۋاليحانوۆ كوشەسىنە سول بۇرىلىسقا ۋاقىتشا تىيىم سالىنادى.
شەكتەن تىس جۇكتەمەنى ازايتۋ ماقساتىندا جاقىن ماڭداعى قيىلىستاردا باسقا دا جۇمىستار جۇرگىزىلەدى.
