+7 (701) 759 90 19
-8 °С : نۇر-سۇلتان
-9 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

رەسەي مەكتەبىندە قازاق ءتىلىن وقىتاتىن سىنىپ اشىلدى

19 قاڭتار 13:58
:ءبولىسۋ
رەسەي مەكتەبىندە قازاق ءتىلىن وقىتاتىن سىنىپ اشىلدى

تۇمەن. قازاقپارات - تۇمەن وبلىسىندا وسىمەن ءۇشىنشى قازاق ءتىلى سىنىبى اشىلدى، دەپ حابارلايدى قازاقپارات تۇمەن وبلىسى قازاقتارىنىڭ ۇلتتىق-مادەني اۆتونومياسىنىڭ پرەزيدەنتى ەسەنعالي يبرايەۆقا سىلتەمە جاساپ.

بۇل جايىندا ول ءوزىنىڭ Facebook پاراقشاسىندا جازدى.

«بۇگىن گولىشمانوۆو اۋىلىنداعى 4№ ورتا مەكتەپ بازاسىندا وبلىستاعى كەزەكتى ءۇشىنشى قازاق ءتىلى سىنىبى اشىلدى. سىنىپتىڭ اشىلۋىنا وراي كونتسەرت ۇيىمداستىرىلىپ، شاشۋ شاشىلدى، مەرەكەلىك داستارحان جايىلدى. تۇمەن وبلىسى قازاقتارى ۇلتتىق-مادەني اۆتونومياسىنىڭ بۇل باستاماسىنا گولىشمانوۆو قالالىق وكرۋگىنىڭ باسشىسى الەكساندر لەداكوۆ قولدادى. قازاق ءتىلىنىڭ العاشقى ساباعىنا 40 وقۋشى، سونداي-اق اتا-انالار، اتالار مەن اجەلەر كەلىپ قاتىستى. سىنىپقا ادام جيناۋ ءالى جالعاسىپ جاتىر. اۋىلداردا قازاق ءتىلىن ۇيرەنگىسى كەلەتىندەر بارشىلىق» دەپ جازدى ەسەنعالي يبرايەۆ.

گولىشمانوۆو قازاقتارى ۇلتتىق سالت-ءداستۇر مەن مادەنيەتتى قادىر تۇتادى، ۇستانادى. كوپ جىلدار بۇرىن ءدال وسى جەردە تۇمەن وبلىسى قازاقتارىنىڭ العاشقى قۇرىلتايى وتكەن.

«بۇگىندە ءبىزدىڭ اۆتونوميانىڭ جەرگىلىكتى بولىمشەسىن دۇيسەنباي اعا بەكقوجينوۆ باسقارادى. ولار ۇلتتىق- مادەني جوبالاردى بەلسەنە جۇزەگە اسىرىپ ءجۇر. جەرگىلىكتى وقۋشىلارعا قازاق ءتىلىن ۇيرەنۋدە ساتتىلىك تىلەيمىن»، - دەيدى تۇمەن وبلىسى قازاقتارى ۇلتتىق-مادەني اۆتونومياسىنىڭ باسشىسى.

ەندىگى جوسپار - ءدال وسىنداي قازاق ءتىلى سىنىبىن يشيم قالاسىنان اشۋ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات