+7 (701) 759 90 19
4 °С : نۇر-سۇلتان
11 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

ەل ءۇمىتى: ەلباسى قورى سالالىق مەنەدجەرلەردى دايارلاۋعا كىرىسەدى

19 قاڭتار 11:16
:ءبولىسۋ
ەل ءۇمىتى: ەلباسى قورى سالالىق مەنەدجەرلەردى دايارلاۋعا كىرىسەدى

نۇر-سۇلتان. قازاقپارات - تۇڭعىش پرەزيدەنت قورى ق ر ۇكىمەتىمەن بىرلەسىپ وزگەرىستەردى باسقارۋ بويىنشا سالالىق مەنەدجەرلەردى دايارلاۋ باعدارلاماسىن ىسكە اسىرۋعا كىرىسەدى، دەپ حابارلايدى قازاقپارات قوردىڭ باسپا ءسوز قىزمەتىنە سىلتەمە جاساپ.

باعدارلاما ەلباسىنىڭ «ەل ءۇمىتى» باستاماسى اياسىندا ازىرلەنگەن جانە «100 ناقتى قادام» ۇلت جوسپارىن، سونداي-اق قازاقستان پرەزيدەنتى ق. توقايەۆتىڭ ەكونوميكا مەن الەۋمەتتىك سالانى مەملەكەتتىك باسقارۋدا جاڭا تاسىلدەردى ەنگىزۋ قاجەتتىگى تۋرالى تاپسىرماسىن ساپالى ورىنداۋعا باعىتتالعان.

باعدارلامانى تۇڭعىش پرەزيدەنت قورى ۇكىمەتپەن جانە ا ح ق و- ىمەن بىرلەسىپ جۇزەگە اسىرادى. ونىڭ باستى ماقساتى- سالالىق كاسىبي تۇلعالاردى تابۋ جانە ولاردى ەكونوميكانىڭ باسىمدىقتى سالالارىندا وزگەرىستەردى باسقارۋدا كوشباسشىلار رەتىندە ودان ءارى دايارلاۋ.

2019-جىلى 27- قاراشادا تالانتتى جاستارمەن وتكەن كەزدەسۋدە ق ر تۇڭعىش پرەزيدەنتى - ەلباسى ن. ءا. نازاربايەۆ ەكونوميكانىڭ ءتۇرلى سالالارىندا كاسىبي مامانداردىڭ قالىپتاسۋىنىڭ ماڭىزدىلىعىن اتاپ ءوتتى.

«باستى تالاپ - ەڭ ۇزدىك ءبىلىم مەن الەمنىڭ جەتەكشى كومپانيالارىندا تاجىريبە جيناۋ عانا ەمەس، كوماندادا جۇمىس ىستەي ءبىلۋ، كۇردەلى مىندەتتەر ءۇشىن جاۋاپكەرشىلىك الا ءبىلۋ جانە ولاردى سوڭىنا دەيىن جەتكىزە ءبىلۋ. باعدارلاما بويىنشا ىرىكتەلگەن ءاربىر مامان وزگەرىستەر باسقارۋ مەنەدجەرىنە دەيىنگى وقىتۋدان وتەدى»، - دەدى ەلباسى.

مەملەكەت باسشىسى ق. توقايەۆتىڭ مەملەكەتتىك باسقارۋدىڭ جاڭا مودەلىن قۇرۋ تۋرالى باستاماسىن قولداۋ ءۇشىن سالالىق مەنەدجەرلەردى وقىتۋ باعدارلاماسى ورتا بۋىن مەنەدجەرلەرىنىڭ دامۋىنا ىقپال ەتەدى. بۇل ماماندار نەگىزگى سالالاردا ماڭىزدى ءرول اتقارادى.

باعدارلاما اياسىندا ءبىرىنشى كەزەڭدە ساۋدا جانە لوگيستيكا، قۇرىلىس، اۋىل شارۋاشىلىعى، گەولوگيالىق بارلاۋ جانە ونەركاسىپ (سونىڭ ىشىندە - جاڭا يندۋستريا)، سۋ رەسۋرستارى، وڭىرلىك دامۋ جانە قالالاردى باسقارۋ، تۋريزم، مادەنيەت جانە سپورت، ءبىلىم بەرۋ، دەنساۋلىق ساقتاۋ جانە مەديايندۋستريا سەكىلدى 11 سالاداعى ناقتى مىندەتتەردى جۇزەگە اسىرۋعا 200 قازاقستاندىق كاسىبي ماماندى تارتۋ كوزدەلگەن.

باعدارلاماعا قاتىسۋعا مەملەكەتتىك جانە جەكە سەكتورلاردا، سونىڭ ىشىندە شەتەلدە تۇراتىن، تابىستى پراكتيكالىق تاجىريبەسى، كاسىبي ءبىلىمى بار (سالانى، زاڭنامانى، سالاداعى الەمدىك ترەندتى ءبىلۋ، ق ر- نىڭ جانە سەرىكتەس ەلدەردىڭ نارىقتىق جاعدايلارىن ءتۇسىنۋ)، ەلدى رەفورمالاۋ مىندەتتەرىن ءتيىمدى ىسكە اسىرۋ ءۇشىن قاجەت جانە مەملەكەتتىڭ وركەندەۋىنە ۇلەس قوسۋعا نيەتى بار ق ر ازاماتتارى شاقىرىلادى.

باعدارلاماعا قاتىسۋشىلار ءبىرقاتار مامانداندىرىلعان كۋرستاردان وتەدى، جوبالاردى باسقارۋ، وزگەرىستەردى باسقارۋ، كوشباسشىلىق، كوممۋنيكاتسيا، اناليتيكالىق داعدىلار سالاسىندا قوسىمشا ءبىلىم مەن داعدىلارعا يە بولادى؛ سالالىق / فۋنكتسيونالدىق وقىتۋدان وتەدى.

سونداي-اق، ولار حالىقارالىق ساراپشىلارمەن جۇمىس جاساۋدىڭ ەرەكشە مۇمكىندىگىنە يە بولادى. تاعىلىمداما جەتەكشى ينستيتۋتتار مەن ءوز سالالارىنداعى كاسىپورىنداردا وتەدى.

سونىمەن بىرگە، تەوريالىق نەگىزدەن باسقا، باعدارلامادا وقىتۋ جوعارىدا اتالعان سالالارداعى 49 ماسەلەنى شەشۋمەن بايلانىستى بولادى.

باعدارلاما قاتىسۋشىلارى ۇكىمەت مۇشەلەرىمەن جانە جەتەكشى حالىقارالىق ساراپشىلارمەن ۇنەمى بايلانىسۋعا مۇمكىندىك الادى. سونداي-اق، مەنتورلىقتىڭ ارنايى باعدارلاماسى بولادى.

تالىمگەر رەتىندە مەملەكەتتىك جانە جەكە سەكتوردا، سونىڭ ىشىندە شەتەلدە جۇمىس ىستەيتىن مامانداردى تارتۋ جوسپارلانۋدا.

باعدارلاماعا جالپى باسشىلىق ەتۋدى ق ر پرەمەر-ءمينيسترى اسقار مامين باستاعان باسقارۋشى كوميتەت جۇزەگە اسىرادى. باعدارلامانى ىسكە اسىرۋدى تپق ۇكىمەتتىڭ جوبالىق وفيسىمەن بىرگە قامتاماسىز ەتەدى.

باعدارلاماعا قاتىسۋ ءۇشىن ۇمىتكەرلەردىڭ وتىنىمدەرىن قابىلداۋ 15- قاڭتاردا باستالادى. سالالىق كوماندالاردى ىرىكتەۋ جانە قالىپتاستىرۋ پروتسەسى وسى جىلدىڭ 15- ناۋرىزىنا دەيىن اياقتالادى. بۇل جۇمىسپەن ارنايى تاۋەلسىز كوميسسيا اينالىسادى. كانديداتتاردى باعالاۋعا، ىرىكتەۋدىڭ وبەكتيۆتىلىگى ءۇشىن حالىقارالىق ساراپشىلار تارتىلاتىن بولادى. باعدارلاماعا قاتىسۋعا ءوتىنىم بەرۋ ءۇشىن cv@elumiti.kz ەلەكتروندىق پوشتاسىنا جازۋعا بولادى.

سالا جەتەكشىلەرىن دايارلاۋعا ارنالعان جاڭا باعدارلاما ۇمىتكەرلەردىڭ كاسىبي وسۋىنە، جەكەلەگەن سالالارداعى ساراپشىلاردىڭ دەڭگەيىنىڭ جوعارىلاۋىنا جانە «100 ناقتى قادام» ۇلت جوسپارىنىڭ ورىندالۋىنا جول اشادى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات