تۇمان، كوكتايعاق، قار: جەكسەنبىگە ارنالعان اۋا رايى بولجامى

None
None
نۇر-سۇلتان. قازاقپارات - سينوپتيكتەر 19- قاڭتارعا ارنالعان اۋا رايى بولجامىن ۇسىنادى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

سولتۇستىك جانە وڭتۇستىك تسيكلوندارمەن بايلانىستى اتموسفەرالىق فرونتتار قازاقستاننىڭ بارلىق اۋماعىنا دەرلىك اسەر ەتەدى. وسىعان بايلانىستى قار جاۋادى، وڭتۇستىك-باتىستا جانە وڭتۇستىكتە - جاۋىن-شاشىن كۇتىلەدى.

وڭتۇستىك-شىعىستا جاۋىن-شاشىنسىز اۋا رايى ساقتالادى. رەسپۋبليكامىزدىڭ كەي جەرلەرىندە تۇمان ءتۇسىپ، كوكتايعاق بولادى، جەل كۇشەيەدى. سولتۇستىك جانە شىعىستا بوران سوعادى.

اقمولا، سولتۇستىك قازاقستان، شىعىس قازاقستان وبلىستارىنىڭ كەي جەرلەرىندە تۇمان ءتۇسىپ، بۇرقاسىن كوتەرىلەدى، جەل 15-20 م/س دەيىن كۇشەيەدى.

پاۆلودار وبلىسىنىڭ كەي جەرلەرىندە بۇرقاسىن، كوكتايعاق كۇتىلەدى، جەل 15-20 م/س جەتەدى.

الماتى وبلىسىنىڭ جالاڭاشكول اۋدانىندا جەل ەكپىنى - 15-20 م/س.

قىزىلوردا، ماڭعىستاۋ، اتىراۋ، قوستاناي، قاراعاندى وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.

جامبىل، تۇركىستان، باتىس قازاقستان، اقتوبە وبلىستارىنىڭ كەي جەرلەرىنە تۇمان تۇسەدى.

سوڭعى جاڭالىقتار