ەلوردا اكىمى جاڭا سالىنىپ جاتقان مەشىتتىڭ قۇرىلىس بارىسىمەن تانىستى

نۇر- سۇلتان. قازاقپارات - ەلوردا اكىمى التاي كولگىنوۆ قابانباي باتىر مەن ماڭگىلىك ەل داڭعىلدارىنىڭ اراسىندا ورنالاسقان مەشىتتىڭ قۇرىلىس بارىسىمەن تانىستى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

رەسپۋبليكا مەن ورتالىق ازياداعى ەڭ ۇلكەن مەشىتتىڭ قۇرىلىسى ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ تاپسىرماسىنا سايكەس جۇرگىزىلىپ جاتىر. مەشىت تۇرىك كومپانياسىنىڭ دەمەۋشىلىگىمەن سالىنىپ، 30 مىڭ ادامعا ەسەپتەلگەن. مەشىت مۇنارالارى 130 مەتر، ال باستى كۇمبەزدىڭ بيىكتىگى 88,2 مەتردەن اسادى. قالا اكىمدىگى مەشىتكە ينجەنەرلىك جەلىلەر مەن كوممۋنيكاتسيالاردى جوبالاۋ جۇمىستارىن جۇرگىزىپ جاتىر.