الەمدەگى ەڭ كىشكەنە ادام ومىردەن وزدى

نۇر-سۇلتان. قازاقپارات - الەمدەگى ەڭ كىشكەنە ادام - حاگەندرا تاپا ماگار 28 جاسىندا قايتىس بولدى، دەپ حابارلايدى قازاقپارات گيننەستىڭ رەكوردتار كىتابىنىڭ سايتىنا سىلتەمە جاساپ.

حاگەندرا تاپا ماگار نەپالدا 1992 تۋعان. بويى 67,08 سانتيمەتر بولعاندىقتان ءارى وزدىگىنەن قوزعالۋ قابىلەتىن ساقتاعاندىقتان الەمدەگى ەڭ كىشكەنە ادام بولىپ تانىلدى. العاش رەت گيننەستىڭ رەكوردتار كىتابىنا 2011-جىلى ەنگىزىلدى.

حاگەندرا فيليپپيندىك دجۋنرەي بالاۋينگادان جەتى سانتيمەتر بيىك ەدى، ءبىراق سىرقاتىنا بايلانىستى ول وزگەنىڭ كومەگىنسىز جۇرە دە، تۇرا دا المايتىن.

دوستارىنىڭ ايتۋىنشا، سوڭعى ۋاقىتتا حاگەندرانىڭ جۇرەگى سىر بەرگەن، سونداي-اق وكپەسى قابىنىپ جانە دەمىكپەگە شالدىققان.

نەپالداعى Manipal اۋرۋحاناسىنا 16- قاڭتاردا جاتقىزىلعان ول جەرگىلىكتى ۋاقىتپەن 15:00 دە قايتىس بولدى»، - دەلىنگەن حابارلامادا.