12:51, 18 - قاڭتار 2020 | GMT +6
كارىم ءماسىموۆ جاۋىنگەرلىك ونەر قاۋىمداستىعىنىڭ قۇرمەتتى پرەزيدەنتى اتاندى
نۇر-سۇلتان. قازاقپارات - ەلوردادا قازاقستاننىڭ جاۋىنگەرلىك ونەر قاۋىمداستىعىنىڭ Ⅱ كونگرەسى ءوتىپ جاتىر، دەپ حابارلايدى قازاقپارات ءتىلشىسى.
شارا بارىسىندا قاۋىمداستىق پرەزيدەنتى كارىم ءماسىموۆ پرەزيدەنت لاۋازىمىنان ءوز ەركىمەن باس تارتتى. سونىمەن قاتار ول بۇل لاۋازىمعا قاۋىمداستىقتىڭ ءبىرىنشى ۆيتسە-پرەزيدەنتى ءانۋار سادىقۇلوۆتى ۇسىندى.
قاۋىمداستىققا مۇشە 22 فەدەراتسيا وكىلدەرى ونىڭ كانديداتۋراسىن قولداپ داۋىس بەردى.
ءوز كەزەگىندە ءانۋار تولەۋحان ۇلى كارىم قاجىمحان ۇلىن ۇيىمنىڭ قۇرمەتتى پرەزيدەنتى رەتىندە ۇسىندى. بۇل ۇسىنىس تا تولىق قولداۋ تاپتى. سونىمەن قاتار كارىم ماسىموۆكە جاۋىنگەرلىك التىن بەلبەۋ تابىستالدى.