سەمەيدە جاۋىنگەرلىك ونەر فەستيۆالى وتەدى
بۇل تۋرالى بۇگىن ەلوردادا ءوتىپ جاتقان قازاقستاننىڭ جاۋىنگەرلىك ونەر قاۋىمداستىعىڭ قۇرمەتتى پرەزيدەنتى كارىم ءماسىموۆ ايتتى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، قاۋىمداستىق وتكەن جىلى 17 وبلىستىق جاۋىنگەرلىك ونەر فەستيۆالى مەن 2 حالىقارالىق شارا ۇيىمداستىردى. ارالاس جەكپە-جەكتەن GFC پەن Jayynger پروموۋشەنى بىرلەسىپ، اتىراۋدا «GFC 17» تۋرنيرىن وتكىزدى. كاراتە كيوكۋشينكايدان 4-الەم چەمپيوناتى وتكىزىلىپ، قازاقستاندىق سپورتشىلار جالپى كوماندالىق ەسەپتە 40 مەملەكەت اراسىنان 2-ورىنعا يە بولدى.
«2020-جىلى ستۋدەنتتەر اراسىندا مۋاي-تايدان الەم چەمپيوناتىن وتكىزۋدى جوسپارلاپ وتىرمىز. وعان الەمنىڭ 30 ەلىنەن 300 گە جۋىق سپورتشى كەلەدى دەپ كۇتىلەدى. سونىمەن قاتار سەمەي قالاسىندا قازاقتىڭ ۇلى اقىنى ابايدىڭ 175 جىلدىق مەرەيتويىنا ارنالعان جاۋىنگەرلىك ونەر فەستيۆالىن وتكىزەمىز»، - دەدى كارىم ءماسىموۆ.