ادام تەمپەراتۋراسى ءبىر جارىم عاسىردا جارتى گرادۋس تومەندەگەن

None
None
نۇر-سۇلتان. قازاقپارات - ⅩⅨعاسىردىڭ ورتاسىنان باستاپ ادام تەمپەراتۋراسى تومەندەي باستاعان. ناقتىراق ايتساق، سەلسي باعامى بويىنشا 37 دەن 36,6 گرادۋسقا تۇسكەن.

مۇنداي اقپاردى eLife جۋرنالى امەريكالىق عالىمدار زەرتتەۋىنە سۇيەنىپ جاريالادى. زەرتتەۋشىلەر ءار كەزەڭدەگى عىلىمي جۇمىستاردى نازارعا العان. ءبىرىنشىسى - 1860 جانە 1940 -جىلدار ارالىعى. ودان كەيىن 1971-1975 -جىلدار ارالىعىن قاراعان. ءۇشىنشى 2007-2017 -جىلدار ارالىعىنداعى ەڭبەكتەردى زەرتتەگەن. ناتيجەسىندە ادامنىڭ ورتاشا تەمپەراتۋراسى تومەندەپ كەلە جاتقانىن اڭعارعان. ⅩⅨعاسىردا 37C قالىپتى تەمپەراتۋرا بولسا، قازىر 36,6C- قا تەڭ. بۇل دەگەنىمىز ادام تەمپەراتۋراسى جىل سايىن 0,003- 0,004 گرادۋسقا تومەندەپ كەلە جاتقانىن كورسەتەدى.

عالىمدار ادام تەمپەراتۋراسىنىڭ تومەندەۋىن قازىرگى ءومىر ءسۇرۋ جايىمەن تۇسىندىرەدى. قيمىل- قوزعالىس ازايعان. كەڭسەدە وتىرىپ جاسايتىن جۇمىستار كوبەيگەندىكتەن ادامدار كۇنىنە كوپ ەنەرگيا دا جۇمسامايدى. سونىڭ اسەرىنەن ادام تەمپەراتۋراسى تومەندەپ بارا جاتىر دەگەن قورىتىندىعا كەلگەن. نەگىزىنەن دەنەدەگى تەمپەراتۋرانىڭ بولماشى عانا وزگەرىسى اعزادا قانداي دا ءبىر پروتسەستىڭ، اۋرۋدىڭ باستالعانىنان حابار بەرەدى. تەمپەراتۋرا كوتەرىلۋىنەن اعزاداعى بارلىق پروتسەسس جىلدامداي تۇسەدى. باكتەريالاردى جويۋعا جاۋاپ بەرەتىن قان تۇيىرشىكتەرى ءجيى تىنىس الۋىمىزدىڭ ارقاسىندا بەلسەندىلىگىن ارتتىرادى. ەكىنشى جاعىنان، تەمپەراتۋرانىڭ كوتەرىلۋى قانداعى اقۋىزداردىڭ بۇزىلۋىنا الىپ كەلەدى.

Massaget.kz 

سوڭعى جاڭالىقتار