بەلگيا پارلامەنتى ا ق ش يادرولىق قارۋىن ەلدەن شىعارۋدان باس تارتتى

None
None
بريۋسسەل. قازاقپارات - بەلگيا پارلامەنتىنىڭ دەپۋتاتتارى بەيسەنبى كۇنى ەلدە ورنالاستىرىلعان امەريكالىق يادرولىق قارۋدى شىعارۋ جانە يادرولىق قارۋعا تىيىم سالۋ جونىندەگى ب ۇ ۇ كەلىسىمىنە قوسىلۋ تۋرالى جازىلعان رەزوليۋتسيانى قابىلداۋدان باس تارتتى، 

دەپ حابارلايدى قازاقپارات ءتىلشىسى EurActiv جۋرنالىنا سىلتەمە جاساپ.

رەزوليۋتسيانى 66 دەپۋتات قولداپ، 74- ءى قارسى بولعان.

قۇجاتتى جاقتاعاندار قاتارىندا سوتسياليستەر، جاسىلدار، سەنتريستەر (cdH)، جۇمىس پارتياسى (PVDA) جانە DéFI  فرانكوتىلدى پارتيا بار.

قارسى داۋىس بەرگەندەر - N- VA ۇلتشىلدار پارتياسى، فلاماندىق حريستياندىق دەموكراتتار ، ۋلتراوڭشىل «فلاماندىق مۇددە» جانە فلاندريا ليبەرالدارى.

ايتا كەتسەك، روجدەستۆو مەرەكەسىنىڭ الدىندا پارلامەنتتىڭ سىرتقى ىستەر جونىندەگى كوميتەتى بەلگيا اۋماعىنان يادرولىق قارۋدى شىعارۋ جانە ەلدىڭ يادرولىق قارۋعا تىيىم سالۋ جونىندەگى ب ۇ ۇ كەلىسىمىنە قوسىلۋ تۋرالى ۇسىنىستى ماقۇلداعان بولاتىن.

رەزوليۋتسيا جوباسىندا «بەلگيا اۋماعىنان يادرولىق قارۋدى شىعارۋعا باعىتتالعان جول كارتاسىن مۇمكىندىگىنشە جىلدام ازىرلەۋ» تۋرالى بەلگيا ۇكىمەتىنە قاراتىلعان ۇندەۋ جاريالانعان.

وتكەن جىلدىڭ شىلدەسىندە ناتو پارلامەنتتىك اسسامبلەياسى جاريالاعان باياندامادا بەلگيا ناتو كەلىسىمى اياسىندا ا ق ش- تىڭ يادرولىق قارۋىن ساقتايتىن ەۋروپانىڭ ساناۋلى ەلدەرىنىڭ ءبىرى ەكەنى راستالىپ وتكەن. قارۋ ەلدىڭ سولتۇستىگىندەگى كلياينە بروگەل اۋەبازاسىندا ورنالاستىرىلعان.

بەلگيا ب ۇ ۇ- نىڭ يادرولىق قارۋعا تىيىم سالۋ جونىندەگى 2017 -جىلعى كەلىسىمىن ءالى كۇنگە دەيىن قولداعان جوق.

دەگەنمەن، بەيسەنبى كۇنى داۋىس بەرىلگەن رەزوليۋتسيا وقيعانىڭ بارىسىن وزگەرتۋى ءتيىس ەدى. قوعامنىڭ پىكىرىن ءبىلۋ ءۇشىن وتكەن جىلدىڭ ساۋىرىندە YouGov وتكىزگەن ساۋالناما بويىنشا بەلگيالىقتاردىڭ % 64 ۇكىمەت كەلىسىمگە قول قويۋى كەرەك دەپ ەسەپتەيدى. ەل حالقىنىڭ % 17 عانا وعان قارسى.

سوڭعى جاڭالىقتار