وڭتۇستىك كورەيا سولتۇستىك كورەياعا ورمان القاپتارىن قالپىنا كەلتىرۋگە كومەكتەسپەك
بۇل تۋرالى سەۋلدە وتكەن كونفەرەنسيادا ەلدەگى ۇكىمەتتىك ەمەس ۇيىمداردىڭ وكىلدەرى مالىمدەدى. رەسمي دەرەكتەرگە سۇيەنسەك، سولتۇستىك كورەيادا ورمان القاپتارى جىل ساناپ ازايىپ كەلەدى. 1990 -جىلدان 2005 -جىلعا دەيىن اعاش وتاۋدىڭ سالدارىنان بۇل ەلدە 20 مىڭ شارشى شاقىرىمنان اسا ورمان القابى قۇرىپ كەتۋ الدىندا تۇر.
بۇل - ەلدەگى ورماننىڭ تورتتەن ءبىر بولىگى. ساراپشىلاردىڭ پىكىرىنشە، سولتۇستىك كورەيا حالىقارالىق ۇيىمدارمەن بىرلەسىپ، ورمانداردى قالپىنا كەلتىرۋ جوباسىن جۇزەگە اسىرۋى قاجەت.
بەرنحارد سەليگەر، گانس زايدەل قورىنىڭ كورەياداعى تۇراقتى وكىلى:
- ءبىز ءبىرقاتار ەلمەن، ونىڭ اراسىندا قازاقستان دا بار، ىنتىماقتاسىپ، سولتۇستىك پەن وڭتۇستىك كورەيانى تاتۋلىققا ۇندەپ كەلەمىز. ارينە بۇل ماسەلەنى تەك كورەيلەر وزدەرى عانا شەشە الادى. دەگەنمەن ەكى كورەيا اراسىندا ىنتىماقتاستىقتى دامىتۋعا حالىقارالىق قاۋىمداستىق تا ءوز ۇلەسىن قوسۋى قاجەت دەگەن ويدامىز. سول باعىتتا ەڭبەك ەتىپ كەلەمىز.
www.24.kz