+7 (701) 759 90 19
-16 °С : نۇر-سۇلتان
3 °С : الماتى
USD 376.43 EUR 407.11
RUB 5.76 CNY 53.55
جاڭالىقتار

ابايدىڭ ولەڭىن وقىپ، ءانىن ايتقاندار سىيلىققا يە بولدى

17 قاڭتار 16:51
:ءبولىسۋ
ابايدىڭ ولەڭىن وقىپ، ءانىن ايتقاندار سىيلىققا يە بولدى

نۇر- سۇلتان. قازاقپارات - پاۆلوداردا «اباي ءار ءۇيدىڭ تورىندە» كىتاپ سىيلاۋ اكسياسى باستالدى، دەپ حابارلايدى pavlodarnews.kz.

س. تورايعىروۆ اتىنداعى وبلىستىق امبەباپ عىلىمي كىتاپحاناسى قازاقتىڭ ۇلى ويشىلى، فيلوسوف، اقىن، اعارتۋشى اباي قۇنانباي ۇلىنىڭ تۋعانىنا 175 جىل تولۋىنا وراي اقىننىڭ مەرەيتويىن كەڭ كولەمدە اتاپ ءوتۋ ماقساتىندا ءبىرقاتار تىڭ باستامالاردى قولعا الۋدا.

سونىڭ ءبىرى - «اباي ءار ءۇيدىڭ تورىندە» اكسياسى اياسىندا قوعامدىق ورىنداردا قالا تۇرعىندارى مەن قوناقتارى اراسىندا كەمەڭگەر تۋرالى ساۋالنامالار جۇرگىزىلەدى. سونداي- اق شارا بارىسىندا اباي شىعارمالارى، سونىڭ ىشىندە ولەڭدەرى مەن قارا سوزدەرىن مانەرلەپ وقىعان، كومپوزيتوردىڭ اندەرىن ناقىشىنا كەلتىرە شىرقاعان تۇرعىندارعا ابايدىڭ كىتاپتارى سىيعا بەرىلەدى.

اكسيانىڭ العاشقى شاراسى پاۆلودار قالاسىنداعى «Batyr mall» ساۋدا جانە ويىن- ساۋىق ورتالىعىندا ءوتتى.

ەڭ العاشقى بولىپ ساۋالناماعا جاۋاپ بەرۋشى - پمپۋ- دىڭ 2-كۋرس ستۋدەنتى ءدىلناز كارىموۆا «جاسىمدا عىلىم بار دەپ ەسكەرمەدىم» ولەڭىن جاتقا وقىپ بەردى.

قازاق ءتىلى مەن ادەبيەتى ءمۇعالىمى ماماندىعى بويىنشا ءبىلىم الاتىندىقتان ابايدىڭ بىرنەشە ولەڭىن بىلەمىن. قازاقتىڭ وزگە اقىندارىنىڭ ولەڭدەرىن جاتقا بىلەمىن. ابايدى ءار قازاق ءبىلۋى ءتيىس دەپ سانايمىن، - دەدى ءدىلناز كارىموۆا.

كىتاپحانا باسشىسىنىڭ ورىنباسارى بارشاگۇل بايجانوۆا ساۋدا ورتالىعىندا 15 تەن استام كىتاپ سىيعا تارتىلعانىن ايتتى.

Batyr mall ورتالىعىنا 20 كىتاپ اكەلگەن بولاتىنبىز. 1 ساعاتتىڭ كولەمىندە 15 تەن استام ادام ابايدىڭ شىعارمالارىنان ءۇزىندى ايتىپ بەردى. كوبىسى ولەڭدەرىن وقۋدا. ءبىر- ەكى ادام ءانىن ورىندادى. جالپى، جاۋاپ بەرگەندەردىڭ باسىم بولىگى جاستار. جاستاردىڭ اقىننىڭ شىعارماشىلىعىن بىلگەنى قۋانتادى. اكتسيادا كىتاپتى سىيعا تارتامىز. ۇلى ويشىلدىڭ كىتابى ءار ءۇيدىڭ تورىندە تۇرۋ قاجەت. ، - دەدى بارشاگۇل بايجانوۆا.

ايتا كەتەيىك، «اباي ءار ءۇيدىڭ تورىندە» اكسياسى جىل سوڭىنا دەيىن جالعاسىن تاپپاق. بۇل شارا قوعامدىق جانە ادامدار كوپ جينالاتىن ورىنداردا وتكىزىلەدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات