عالىمدار جەرگە جاقىن الىپ عالامشاردى انىقتادى

None
None
نۇر-سۇلتان. قازاقپارات - يتاليانىڭ ۇلتتىق استروفيزيكا ينستيتۋتىنىڭ زەرتتەۋشىلەرى پروكسيما سەنتاۆر جۇلدىزىنىڭ ماڭىندا، كۇنگە جاقىن ورنالاسقان الىپ عالامشاردى انىقتادى.

بۇل تۋرالى Science Alert عىلىمي جۋرنالى جاريالادى.

عالامشار جۇلدىزدىڭ ساۋلەلى جىلدامدىعىن باقىلاۋ كەزىندە انىقتالدى. وعان Proxima b اتاۋىن بەرىلىپتى. جۇلدىزدىڭ ساۋلەسى مەن قالپى ءجيى وزگەرىپ تۇرعان ەكەن. بۇل جاعدايعا وعان جاقىن ورنالاسقان Proxima b عالامشارى سەبەپ بولعان.

 جاڭا عالامشاردىڭ سالماعى جەردىكىنەن كوپ، ءبىراق الىپ مۇز عالامشارى نەپتۋننىڭ ماسساسىنا جەتپەيدى. عالامشار كۇنگە الدەقايدا الىس ورنالاسقاندىقتان، وندا تىرشىلىك يەسى مەكەندەي المايدى. عالىمدار Proxima b عالامشارى قاتىپ قالعان، اتموسفەراسىندا سۋتەك جانە گەلي گازدارى كوپ بولۋى مۇمكىن دەپ بولجادى.

 دەگەنمەن كەيبىر زەرتتەۋشىلەر مۇنىڭ جاڭا عالامشار ەكەندىگىنە كۇمان كەلتىردى. الداعى ۋاقىتتا عالامشارعا جاقىن ورنالاسقان باسقا دا جۇلدىزدار باقىلاۋعا الىنادى ەكەن. 

سوڭعى جاڭالىقتار