قازاقستاندا ارالاس جەكپە- جەكتى كورسەتەتىن جاڭا تەلەارنا ىسكە قوسىلدى

None
None
نۇر- سۇلتان. قازاقپارات - قازاقستاندا ارالاس جەكپە- جەكتى كورسەتەتىن UFC TV جاڭا تەلەارناسى ىسكە قوسىلدى، دەپ حابارلايدى قازاقپارات ءتىلشىسى.

«قازاقستاندا UFC TV تەلەارناسىنىڭ ىسكە قوسىلعانىن جانە UFC ءىرى تۋرنيرلەرىنىڭ قازاقستاننىڭ ءىرى سپورت تەلەارناسى Qazsport تا كورسەتىلەتىنىن حابارلاماقپىز. جالپى، قازاقستان - الەم كارتاسىنداعى بىرەگەي ەل سانالادى. بۇل جەردە جاۋىنگەرلىك ونەر مەن بوكس بارلىق ۋاقىتتا دا تانىمالدىققا ءارى زور قىزىعۋشىلىققا يە. مىقتى سپورتشىلارى دا بار. سوندىقتان UFC ءۇشىن قازاقستان باسىمدىققا يە ەلدەردىڭ ءبىرى سانالادى» ، - دەدى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا UFC ۆيتسە- پرەزيدەنتى اندرەي گرومكوۆسكي.

UFC TV تەلەارناسى Ultimate fight championship نەمەسە UFC ۇيىمداستىراتىن جەكپە- جەكتەردى كورسەتەدى. جالپى، UFC تۋرنيرلەردى ءبىر ميللياردتان استام تۇرعىنى بار الەمنىڭ 166 ەلىنە 35 تىلدە تارالادى. ەندى اتالعان ەلدەردىڭ قاتارىنا قازاقستان قوسىلىپ وتىر.

سوڭعى جاڭالىقتار