قىتايدا تاراعان ۆيرۋسقا بايلانىستى الماتى اۋەجايىندا جولاۋشىلار ءجىتى تەكسەرىلىپ جاتىر

None
None
الماتى. قازاقپارات - الماتى قالاسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى قىتايداعى قولايسىز ەپيدەميولوگيالىق جاعدايعا بايلانىستى قانداي شارالار قولدانىلىپ جاتقانىن ايتتى، دەپ حابارلايدى قازاقپارات ءتىلشىسى.

دەپارتامەنتتىڭ مالىمەتىنشە، 2012 -جىلدىڭ قىركۇيەگىندە تاياۋ شىعىس ەلدەرىندە جاڭا ۆيرۋستىق ينفەكتسيالىق اۋرۋ، بەلگىلەرى پنيەۆمونياعا ۇقسايتىن كوروناۆيرۋس انىقتالعان. بۇل جۇقپالى اۋرۋدىڭ قاۋپى - ونى ەمدەيتىن ارنايى پرەپاراتتىڭ بولماۋى. وسىعان بايلانىستى ءولىم دەڭگەيى %50 دان اسادى. بۇل ينفەكسيا ادامعا اۋا ارقىلى جۇعادى. بۇعان دەيىن مۇنداي جاعدايلار ساۋد ارابياسى، فرانسيا، گەرمانيا، يوردانيا، ۇلى بريتانيا جانە وڭتۇستىك كورەيادا تىركەلگەن.

2015 -جىلى كوروناۆيرۋستىق ينفەكتسيا وڭتۇستىك كورەيادان شىقتى. اتالمىش ينفەكتسيانى جۇقتىرعانداردىڭ سانى 108 ادامنان استى.

2020 -جىلدىڭ قاڭتار ايىنان باستاپ قىتايدا پنيەۆمونياعا ۇقسايتىن 44 جاعداي تىركەلدى. 11 ناۋقاستىڭ جاعدايى اۋىر. ەكى ادام قايتىس بولدى. بۇگىن قىتاي ەپيدەميولوگتارى بەلگىسىز پنيەۆمونيانىڭ سەبەبىن - كوروناۆيرۋستىڭ جاڭا ءتۇرىن انىقتادى.

قىتايداعى كوروناۆيرۋستىق ينفەكتسيانىڭ ەپيدەميولوگيالىق جاعدايىنا بايلانىستى الماتى قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى مىناداي الدىن الۋ شارالارىن قابىلدادى:

- الماتى حالىقارالىق اۋەجايىنداعى سانيتارلىق باقىلاۋ پۋنكتى جولاۋشىلاردىڭ دەنە قىزۋىن تەپلوۆيزور ارقىلى تەكسەرەدى.

- ساقتىق شارالارى دا قاراستىرىلعان. مەديتسينالىق- پروفيلاكتيكالىق جانە زەرتحانالىق قىزمەتتەرمەن قامتاماسىز ەتىلدى. ءبارى دايىن.

- قازاقپاراتقا قىتايدا بەلگىسىز پنيەۆمونيانىڭ تىركەلۋى تۋرالى اقپارات جىبەرىلدى، ونىڭ الدىن الۋ بويىنشا ۇسىنىستار بەرىلدى؛

«كوروناۆيرۋس ينفەكتسياسى تىركەلگەن قولايسىز ەپيدەميولوگيالىق جاعدايى بار ەلدەرگە باراتىن ازاماتتار اۋرۋدىڭ الدىن الۋ شارالارىن قولدانۋى ءتيىس. ادام اۋرۋدىڭ العاشقى بەلگىلەرىن بايقاسا شۇعىل مەديتسينالىق كومەككە جۇگىنۋى ءتيىس» ، - دەپ اتاپ ءوتتى دەپارتامەنتتەگىلەر.

سونىمەن قاتار، جۇقپالى اۋرۋ بەلگىلەرى بار ادامدارمەن تىعىز بايلانىستا بولۋدان (جوتەل، تۇشكىرۋ) اۋلاق بولۋ كەرەك.

مامانداردىڭ ايتۋىنشا، كوروناۆيرۋستىڭ 40 قا جۋىق ءتۇرى بار. ونىڭ زيانى ادامدارعا، يتتەر مەن مىسىقتارعا، سونىمەن قاتار ءىرى قارا مال، دوڭىز بەن قۇستارعا تيەدى. ينفەكتسيا تىنىس الۋ جولدارىن، جۇيكە جۇيەسى مەن اسقازان- ىشەك جولدارىن زاقىمدايدى.

سوڭعى جاڭالىقتار