الەمنىڭ ەڭ قىمبات قالالارى بەلگىلى بولدى

نۇر-سۇلتان. قازاقپارات – ءومىر ءسۇرۋ يندەكسى جوعارى الەمنىڭ ەڭ قىمبات قالالارى انىقتالدى.

اتالمىش تىزىمدە نۇر-سۇلتان مەن الماتى قالالارى العاشقى ءۇش جۇزدىككە كىرگەن دەپ حابارلايدى KAZ. NUR. KZ ر ي ا نوۆوستيگە سىلتەمە جاساپ.

الەم ەلدەرىنىڭ ەڭ قىمبات قالالارىنىڭ ءتىزىمى Numbeo ستاتيستيكالىق رەسۋرسىنىڭ سايتىندا جاريالانعان.

بۇل ءتىزىمنىڭ كوش باسىنا شۆەيتساريانىڭ تسيۋريح قالاسى جايعاسقان. سونداي-اق، العاشقى بەستىكتى دە شۆەيتساريا قالالارى ءوزارا ءبولىسىپ العان. ياعني تسيۋريحتەن كەيىن بازەل، لوزاننا، جەنيەۆا جانە بەرن قالالارى بار.

سونداي-اق وندىقتىڭ قاتارىنا نورۆەگيانىڭ ستاۆانگەر، وسلو جانە ترونحەيم قالالارى، يسلانديانىڭ رەيكياۆيك جانە نورۆەگيانىڭ تاعى ءبىر قالاسى ەنگەن.

ال ءبىزدىڭ استانامىز نۇر-سۇلتان قالاسى تىزىمدە 386- ورىندا، الماتى قالاسى 389- قاتاردا تۇر.

ايتا كەتسەك، تىزىمدە جالپى 440 قالا كورسەتىلگەن. سايتتىڭ جازۋىنشا، «ءومىر ءسۇرۋ يندەكسى» دۇكەندەر مەن مەيرامحانالارداعى، قوعامدىق كولىكتەگى باعالارمەن، كوممۋنالدىق قىزمەت شىعىندارىمەن، سونداي-اق جەرگىلىكتى تۇرعىنداردىڭ ساتىپ الۋ قابىلەتىمەن ولشەنەدى.